भावी पतीसोबत फिरत असलेल्या युवतीवर लालडोंगरी जंगल परिसरात सामुहिक बलात्कार


- आरोपींना अटक, चामोर्शी तालुक्यासह जिल्ह्यात खळबळ
विदर्भ न्यूज एक्सप्रेस
प्रतिनिधी / चामोर्शी :
भावी पतीसोबत जंगल परिसरात फिरत असलेल्या युवतीवर चार आरोपींनी आळीपाळीने बलात्कार केल्याची घटना चामोर्शी तालुक्यात उघडकीस आली आहे. यामुळे खळबळ निर्माण झाली असून चारही आरोपींना अटक करण्यात आली आहे. न्यायालयाने ६ सप्टेंबरपर्यंत पोलिस कोठडी ठोठावली आहे.
निखील मंडल, महादेव बारई, राजेश डाकवा, स्वरूप् मिस्त्री सर्व रा. कृष्णनगर अशी अटक करण्यात आलेल्या आरोपींची नावे आहेत.
प्राप्त माहितीनुसार २९ आॅगस्ट रोजी पिडीत मुलगी आपल्या होणाऱ्या पतीसोबत लालडोंगरी जंगल परिसरात गेली होती. यावेळी आरोपी त्या ठिकाणी आले. आरोपींनी त्याच्या जवळ जावून मारहाण करण्यास सुरूवात केली. त्यांचे मोबाईलद्वारे छायाचित्र काढून सोशल मिडीयावर पसरविण्याची धमकी देत पैशांची मागणी केली. मुलीच्या भावी पतीने घाबरून जावून काही रक्कम आरोपींना दिली. मात्र तरीही आरोपींनी युवतीवर आळीपाळीने बलात्कार केला. याप्रकरणी पिडीतेच्या तक्रारीवरून ३१ आॅगस्ट रोजी चामोर्शी पोलिस ठाण्यात ३७६ (ड) ३८४, ३४१ , ५११, ५०६, ३२३, ३४ अन्वये गुन्हा दाखल केला. आरोपींना अटक करून १ सप्टेंबर रोजी न्यायालयासमोर हजर केले असता पोलिस कोठडी ठोठावली आहे. घटनेचा तपास पोलिस निरीक्षक गोरख गायकवाड यांच्या मार्गदर्शनात पोलिस उपनिरीक्षक निशा खोब्रागडे करीत आहेत.

 



  Print






News - Gadchiroli | Posted : 2018-09-03




Related Photos