महत्वाच्या बातम्या

खासदार अशोक नेते व माजी आमदार अतुल देशकर यांनी घेतले गणरायांचे दर्शन

- जनतेचे दुःख हरण करून सुख प्रदान करीत रहा : अशोक नेते व अतुल देशकर यांचे गणरायाला साकडे

विदर्भ न्यूज एक्सप्रेस

प्रतिनिधी / ब्रह्मपुरी : चिमूर गडचिरोली क्षेत्राचे कर्तव्यतत्पर खासदार अशोक नेते यांनी ब्रह्मपुरी तालुक्यातील शेतकऱ्यांच्या पिकांच्या नुकसानी बाबतची अधिकाऱ्यांसोबतची आढावा बैठक आटोपून माजी आमदार प्रा.अतुल देशकर यांचे सोबत ब्रह्मपुरी शहरातील विविध ठिकाणी गणरायांचे दर्शन घेतले.

दुःखांचे हरण करणाऱ्या आणि सुख प्रदान करणाऱ्या गणरायाला, जनतेला सुखी, समृद्ध आणि आनंद प्रदान करीत रहा, असे आर्जव करीत साकडे घातले.

सर्वप्रथम जवळपास ५० वर्षाची परंपरा असलेले व माजी आमदार बाबासाहेब खानोरकर यांची गणेश स्थापनेची परंपरा कायम ठेवून सौ.रश्मी पेशणे यांच्या ब्रह्मपुरीचा राजा म्हणून ओळखल्या जाणाऱ्या गणरायांचे दर्शन अशोक आणि अतुल यांनी घेतले. या सोबतच भाजपा कार्यालय ब्रह्मपुरीतील गणेशाचे दर्शन आणि जाणी वार्डातील गणेश मंडळाच्या गणरायांचे दर्शन घेतले. गणेश मंडळाच्या भक्तांनी खासदार अशोक नेते यांचा शाल श्रीफळ व पुष्पगुच्छ देऊन सत्कार केला. सत्कारामुळे आनंदित झालेल्या अशोक नेते यानी गणेश मंडळाचे आभार मानले.

या मंगलमय क्षणी भाजपा ज्येष्ठ नेते प्रा. कादर शेख, भाजपा तालुकाध्यक्ष प्राचार्य अरुण शेंडे, भाजपा शहराध्यक्ष इंजिनियर अरविंद नंदुरकर, नगरसेवक मनोज वठे, भाजयुमो शहराध्यक्ष प्राचार्य सुयोग बाळबुध्दे, युवा नेते साकेत भानारकर, प्रशांत वसाके पंकज माकोडे, रितेश दाशमवार, भाजयुमो महामंत्री स्वप्निल अलगदेवे, अमित रोकडे, माजी जिल्हा परिषद सदस्य उमाजी कुथे, माजी पंचायत समिती सदस्य नरेंद्र दुपारे, पवन जयस्वाल, अनिल दोनाडकर, उपसरपंच सदाशिव ठाकरे तसेच भाजपा कार्यालय प्रमुख तथा प्रसिद्धी प्रमुख प्रा.संजय लांबे इ.मान्यवर तसेच भाजपा कार्यकर्ते उपस्थित होते.