गडचिरोली जिल्हा पोलिस भरतीसाठी फक्त जिल्ह्यातीलच उमेदवारांना संधी, पोलिस भरतीच्या नियमांत बदल


- उमेदवारांना द्यावी लागणार अतिरक्त १०० गुणांची गोंडी आणि माडीया भाषेची परीक्षा
 विदर्भ न्यूज एक्सप्रेस
प्रतिनिधी / गडचिरोली :
महाराष्ट्र पोलिस दलामार्फत घेण्यात येणार्या पोलिस भरतीसाठी गडचिरोली जिल्हा पोलिस दलात भरती नियमांत बदल करण्यात आले आहे. २०१९ मध्ये घेण्यात येणार्या पोलिस भरतीत केवळ गडचिरोली जिल्ह्यातील उमेदवारांनाच संधी देण्यात येणार आहे. 
गृह विभागाने २२ मार्च २०१८ रोजीच्या आदेशानुसार मुंबई पोलिस अधिनियम १९५१ (१९५१ चा २२) च्या कलम ५ (ब) आणि त्या अनुषंगाने प्रदान करणाऱ्या इतर सर्व अधिकारांचा वापर करून महाराष्ट्र पोलिस शिपाई नियम २०११ नुसार भरती प्रक्रियेत सुधारणा करण्यात आली आहे.
पोलिस भरतीसाठी आवेदन सादर करणाऱ्या उमेदवाराला अतिरिक्त १०० गुणांची गोंडी आणि माडीया भाषेची लेखी परीक्षा द्यावी लागणार आहे.
पोलिस भरतीसाठी गडचिरोली जिल्ह्यातील उमेदवारांना प्रचलित नियमानुसार सबंधित तहसीलदारांचा वास्तवाचा दाखला जोडणे आवश्यक आहे. तसेच उमेदवाराला गडचिरोली जिल्ह्याबाहेर बदली देण्यात येणार नाही.
गडचिरोली जिल्हा पोलिस दलात राज्य शासनाच्या धोरणानुसार २०१९ मध्ये पोलिस शिपाई पदाची भरती प्रक्रिया सुरू होणार आहे. सदर पोलिस शिपाई पदाची भरती गडचिरोली जिल्ह्यातील रहिवासी असलेल्या उमेदवारांसाठी आहे. गडचिरोली जिल्ह्यातील शैक्षणिक व शारीरीक पात्रतेत पात्र असलेल्या पोलिस भरतीच्या उमेदवारांनी जास्तीत जास्त संख्येने पोलिस भरतीमध्ये भाग घ्यावा, असे आवाहन पोलिस अधीक्षक शैलेश बलकवडे यांनी केले आहे.

 



  Print






News - Gadchiroli | Posted : 2018-12-29






Related Photos