महत्वाच्या बातम्या

नगर परिषद गडचिरोली च्या वतीने मेरी माटी मेरा देश व स्वच्छता पंधरवाडा कार्यक्रमाला सुरवात

विदर्भ न्यूज एक्सप्रेस

प्रतिनिधी / गडचिरोली : पंतप्रधान नरेंद्र मोदी यांच्या वाढदिवसानिमित्त गडचिरोली शहरामध्ये नगरपरिषदेच्या वतीने मेरी माटी मेरा देश व स्वच्छता पंधरवाडा कार्यक्रम, वृक्षारोपण व स्वच्छता कार्यक्रमाला सुरवात करण्यात आली. यावेळी रॅलीचे आयोजन करण्यात आले होते.

स्थानिक शाहूनगर साई मंदिर येथे खासदार अशोक नेते, लोकसभा समन्वयक प्रमोद पिपरे, जिल्हा महामंत्री तथा माजी नगराध्यक्ष सौ. योगिता पिपरे, मुख्याधिकारी सूर्यकांत पिद्दुरकर यांच्या हस्ते मेरी माटी मेरा देश या उपक्रमांतर्गत साई मंदिर परिसरातील हनुमान मंदिर व भुस्कुटे यांच्या घरील तुळशी वृंदावना जवळील माती कलश मध्ये घेण्यात आली. साईमंदिर परिसरात वृक्षारोपण करण्यात आले व शाहूनगर येथे रॅली काढण्यात आली.

यावेळी माजी नगरसेविका लता लाटकर, देवाजी लाटकर, नगरपरिषद येथील कर्मचारी, शाहूनगर येथील नागरिक मोठ्या संख्येने उपस्थित होते.