महत्वाच्या बातम्या

राष्ट्रीय व आंतरराष्ट्रीय चित्रपट महोत्सवात पुरस्कार प्राप्त पल्याड चित्रपट सर्वत्र प्रदर्शित

- जगप्रसिद्ध फोर्ब्स मासिकाने घेतली दखल

विदर्भ न्यूज एक्सप्रेस

तालुका प्रतिनिधी / सिंदेवाही : पल्याड हा मराठी चित्रपट ४ नोव्हेंबरला संपूर्ण महाराष्ट्रात प्रदर्शित झालेला आहे. या चित्रपटाची दखल जगप्रसिद्ध फोर्ब्स मासिकाने घेतली आहे. राष्ट्रीय आणि आंतरराष्ट्रीय चित्रपट महोत्सवामध्ये पल्याड चित्रपटाला अनेक पुरस्कार मिळाले आहेत. गोव्यात होणाऱ्या ५३ व्या आंतरराष्ट्रीय चित्रपट महोत्सवात पल्याड पोहोचणार आहे आणि अमेरिकेच्या जगप्रसिद्ध फोर्ब्स मॅगझिननेही या चित्रपटाची दखल घेतली आहे.

स्पेनमध्ये झालेल्या आंतरराष्ट्रीय चित्रपट महोत्सवात कमी बजेटमध्ये तयार केलेल्या या चित्रपटासाठी दिग्दर्शक शैलेश भीमराव दुपारे यांना बेस्ट दिग्दर्शकाचा पुरस्कार जाहीर झाला आहे. दिल्ली येथे झालेला १२ वा दादासाहेब फाळके फिल्म फेस्टिव्हल आणि मुंबई येथे झालेल्या ७ व्या अंबरनाथ मराठी चित्रपट महोत्सवात दिग्दर्शनासाठी त्यांना प्रथम पदार्पणाचा पुरस्कार प्राप्त झाला. चित्रपटाला आतापर्यंत राष्ट्रीय आणि आंतरराष्ट्रीय स्तरावरील १८ पुरस्कार मिळाले. पल्याड चित्रपटाची निर्मिती चंद्रपूर येथील निर्माते पवन सादमवार, सूरज सादमवार, मंगेश दुपारे, प्रणोती पांचाळ आणि शैलेश दुपारे यांनी एलिवेट फिल्म्स व एलिवेट लाईफ आणि लावण्यप्रिया आर्टसच्या बॅनर अंतर्गत केली.

या चित्रपटाचे निर्माते पवन सादमवार यांना चित्रपटासाठी शूभेच्या आरोग्यसेवक भागेश उध्दव टेंभुर्ने यांनी दिले. चित्रपटाचे दुसरे निर्माते सूरज सादमवार , चित्रपटाचे सहनिर्माते आणि अभिनेते रोशनसिंग बघेल यांनी केले. पल्याड चित्रपटाचे दिग्दर्शक शैलेश भीमराव दुपारे आहेत. त्यांना नवोदित दिग्दर्शक म्हणून अनेक पुरस्कार प्राप्त झालेले आहेत. या चित्रपटामध्ये आरोग्यसेवक भागेश टेंभुर्णे यांनी ग्रामस्थ व्यक्तीची भूमिका साकारली आहे. या चित्रपटाचे मुख्य कलाकार अभिनेते शशांक शेंडे, अभिनेत्री देविका दफ्तरदार, बाल कलाकार रूचित निनावे, अभिनेते वीरा साथीदार, देवेंद्र दोडके, सायली देठे, रोषनसिंग बघेल, बबिता उईक हे आहेत. चित्रपटाची पटकथा आणि संवादलेखन सुदर्शन खंडागडे आणि शैलेश दुपारे यांनी लिहिले आहे. या चित्रपटाचे चित्रीकरण चंद्रपुर जिल्ह्यात केला आहे.