महत्वाच्या बातम्या

बेतकाठी येथे तालुकास्तरीय पावसाळी शालेय क्रीडा स्पर्धेचे आयोजन

विदर्भ न्यूज एक्सप्रेस

तालुका प्रतिनिधी / कोरची : जिल्हा क्रिडा अधिकारी कार्यालय गडचिरोली अंतर्गत बेतकाठी येथे कोरची तालुकास्तरीय कबड्डी,खो-खो, व्हॉलीबॉल, सामन्याचे उद्घाटन काल ४ सप्टेंबर २०२३ ला धनंजय स्मृती विद्यालय बेतकाठीच्या पटांगणात करण्यात आले.

या कबड्डी व खो-खो सामन्याचे उद्घाटक म्हणून कोरची तहसीलचे तहसीलदार प्रशांत गड्डम तर अध्यक्ष धनंजय स्मृती विद्यालयाचे प्राचार्य पांडुरंग नागपुरे तसेच प्रमुख पाहुणे म्हणून अमित दास गटशिक्षणाधिकारी पं.सं. कोरची, श्याम सोनुले प्राचार्य श्रीराम विद्यालय कोरची, शालिकराम कराडे पारबताबाई विद्यालय कोरची, सुरज हेमके शिक्षक तथा तालुका प्रतिनिधी तरुण भारत शारिरीक शिक्षक डि.के हटवार क्रीडा सचिव कोरची, कवाडकर जिल्हाध्यक्ष कृती समिती, सोमनकर बोरी, मुख्याध्यापक नामदेव नागपुरे बोटेकसा, राजेंद्र मस्के, रवी सहारे मुख्याध्यापक कोटगुल, प्रा. मुन्ना रुखमोडे, श्रीहरी उसेंडी, गणेश सोनकलंगी, कुंती हुपुंडी सरपंचा बेतकाठी, हेमंद्र कावळे उपसरपंच ग्रामपंचायत बेतकाठी, तिलक सोनवानी बेतकाठी तसेच कोरची तालुक्यातील सर्व शारीरिक शिक्षक व शिक्षक व पालक वर्ग व विद्यालयातील सर्व शिक्षक व शिक्षकेतर कर्मचारी व विद्यार्थी व विद्यार्थिनी उपस्थित होते.

या तालुकास्तरीय खेळाचे आयोजन ०४ सप्टेंबर २३ पासून ०९ सप्टेंबर २३ पर्यंत आयोजित केलेले आहे. या स्पर्धेमध्ये तालुक्यातील एकूण २० शाळांचे सहभाग आहे. तसेच एकूण ४६ मुला-मुलीचे संघ या स्पर्धेत सहभागी झाले आहेत.

कार्यक्रमाची सुरुवात पूजा अर्चना करून करण्यात आले. यानंतर उपस्थित पाहुण्यांचे स्वागत पुष्पगुच्छेने करण्यात आले. या वेळी उपस्थित विद्यार्थांना शिक्षणासोबतच क्रिडा स्पर्धेत सुद्धा आपले नाव लौकिक करून कसे पुढे जायचे या बद्दल थोडक्यात कोरची तहसील कार्यालयाचे तहसीलदार प्रशांत गड्डम यांनी आपल्या भाषणातून दिला.

यानंतर मान्यवरांनी खेळाच्या मैदानात रिबिन कापून उद्घाटन करून स्वतः उद्घाटनीय सराव सामना केला व विद्यार्थांना प्रोत्साहित केले. या स्पर्धेतील मुला-मुलीची वयोमर्यादा १४, १७ व १९ असे आहे. आणि या स्पर्धेमध्ये ३ दिवस कब्बडी तर ३ दिवस खो-खो असे आयोजन केले आहे. या सहा दिवसीय पाऊसाळी क्रिडा स्पर्धेत कोरची तालुक्यातील स्थानिक तर ग्रामीण भागातील विविध शाळेतून क्रीडा प्रमुख म्हणून हटवार, गायधने, मस्के, मेश्राम, कवाडकर, डोंगरावर, कोरेटी, सोनकलंकी, उसेंडी, औरसे, कराडे, बावणे, लंजे, मडावी इत्यादी प्रमुखांनी आपली उपस्थिती दर्शविली तर या कार्यक्रमाचे संचालन होमराज बिसेन व आभार डी.के. हटवार यांनी मानले.