Petrol Price
दुष्काळग्रस्त भागाची महसूलमंत्री बावनकुळे करणार पाहणी
- जिल्हाधिकारी कार्यालयात दुष्काळजन्य परिस्थितीचा घेणार आढावा
विदर्भ न्यूज एक्सप्रेस
प्रतिनिधी / वर्धा : राज्याचे महसूल मंत्री चंद्रशेखर बावनकुळे हे २७ सप्टेंबर रोजी वर्धा जिल्ह्याच्या दौऱ्यावर येत आहेत. या दौऱ्यादरम्यान ते जिल्ह्यातील दुष्काळग्रस्त भागाची प्रत्यक्ष पाहणी करून शेतकरी व शेतीसंदर्भातील परिस्थितीचा आढावा घेणार आहेत. तसेच जिल्हाधिकारी कार्यालयात दुष्काळजन्य परिस्थितीबाबत आयोजित आढावा बैठकीस ते उपस्थित राहणार आहेत.
महसूल मंत्री चंद्रशेखर बावनकुळे यांच्या दौऱ्याची सुरुवात सकाळी ११ वाजता होणार असून, यावेळी ते दुष्काळग्रस्त भागातील पिकांची पाहणी करतील. पावसाची स्थिती, पिकांची अवस्था तसेच दुष्काळामुळे निर्माण झालेल्या परिस्थितीची ते प्रत्यक्ष पाहणी करून माहिती घेणार आहेत.
यानंतर दुपारी १२ वाजता ते वर्धा येथील जिल्हाधिकारी कार्यालयात आयोजित दुष्काळजन्य परिस्थितीवरील आढावा बैठकीस उपस्थित राहतील. या बैठकीत जिल्ह्यातील दुष्काळसदृश परिस्थिती, शेती व पिकांची सद्यस्थिती तसेच संबंधित प्रशासकीय उपाययोजनांचा आढावा घेतला जाणार आहे.
दौऱ्याच्या शेवटी दुपारी १ वाजता महसूल मंत्री बावनकुळे हे वर्धा येथून यवतमाळकडे प्रयाण करतील. त्यांच्या या दौऱ्याच्या पार्श्वभूमीवर जिल्हा प्रशासनाकडून संबंधित माहिती व अहवाल तयार ठेवण्यात येणार आहेत.
