चंद्रपूर नगरीत राजे धर्मरावबाबा आत्राम कॅबिनेट मंत्री अन्न व औषध प्रशासन यांचे जंगी स्वागत
- चंद्रपूर जिल्हा राष्ट्रवादी काँग्रेस पार्टी संघटनात्मक आढावा बैठक हॉटेल एन.डी.येथे संपन्न
विदर्भ न्यूज एक्सप्रेस
प्रतिनिधी / चंद्रपूर : राजे धर्मरावबाबा आत्राम कॅबिनेट मंत्री अन्न व औषध प्रशासन यांना राष्ट्रवादी काँग्रेस पार्टीची राज्यात नव्यानं संघटनात्मक बांधणी
करण्याकरीता चंद्रपूर जिल्ह्याची जबाबदारी देण्यात आली आहे. ना.धर्मरावबाबा आत्राम यांचे चंद्रपूर नगरीत प्रथम आगमना निमित्त सुनिल दहेगांवकर यांच्या नेतृत्त्वात ठिक-ठिकाणी जंगी स्वागत करण्यात आले.
राजे धर्मरावबाबा आत्राम साहेब यांचे जंगी स्वागत पडोली चौक या ठिकाणी करण्यात आल्या नंतर बाईक रॅली हॉटेल एन.डी. पर्यंत काढण्यात आली. या बाईक रॅलीने मिरवणुक काढत असताना राजे धर्मरावबाबा आत्राम यांच्यावर हॉटेल ट्रायस्टार चौक तसेच हॉटेल एन.डी.येथे आगमन झाल्यावर जे.सी.बी तुन पुष्पवृष्टी करण्यात आली.
हॉटेल एन.डी. येथील सभागृहात ना.राजे धर्मरावबाबा आत्राम यांनी कार्यकर्त्यांना संबोधित करताना चंद्रपूर जिल्ह्यात राष्ट्रवादी काँग्रेस पार्टीच्या कार्यकर्त्यांनी जोमाने काम करत पक्ष संघटन मजबूत करण्याचे आव्हान केले. जिल्ह्यात राष्ट्रवादी काँग्रेस पार्टीचे पक्ष संघटन वाढविण्याकरिता सर्वोपरी मदत करण्याचे आश्वासन दिले तसेच राज्यात येणाऱ्या काळात होणाऱ्या विधानसभा निवडणुकीत राष्ट्रवादी काँग्रेस पार्टी तर्फे चंद्रपूर जिल्ह्यात कमीत कमी दोन विधानसभा निवडणुक लढविण्याचे संकेत दिले.
सदर कार्यक्रमात रविंद्र वासेकर जिल्हाध्यक्ष राष्ट्रवादी काँग्रेस पार्टी गडचिरोली, नानाभाऊ नाकाडे, सुनिल दहेगांवकर, युनुस शेख, ऋषिकांत पापडकर आदींनी जिल्ह्याभरातून आलेल्या कार्यकर्त्यांना संबोधित केले.
बल्लारपूर शहरातून तसेच चंद्रपूर व मूल येथुन मोठ्या प्रमाणात लोकांनी राष्ट्रवादी काँग्रेस पार्टी मध्ये सुनिल दहेगांवकर यांच्या नेतृत्त्वात राजे धर्मरावबाबा आत्राम यांच्या उपस्थितीत पक्ष प्रवेश घेतला.
या संघटनात्मक आढावा बैठकीचे आयोजन सुनिल दहेगांवकर यांनी केले होते. चंद्रपूर जिल्ह्यातुन राष्ट्रवादी काँग्रेस पार्टीचे सर्व तालुक्यामधुन मोठ्या प्रमाणात कार्यकर्त्यांनी संघटनात्मक आढावा बैठकीला हजेरी लावली.
News - Chandrapur