महत्वाच्या बातम्या

गडचिरोली जिल्ह्यातील अहेरी तालुक्यांतर्गत कोतवाल पदाची पदभरती

विदर्भ न्यूज एक्सप्रेस
प्रतिनिधी / गडचिरोली : अहेरी तालुक्याअंतर्गत कोतवाल संवर्गाची अनुसुचित जमातीच्या उमेदवारांकडून अंतर्गत मौजा अहेरी, (महिला राखीव), चिंचगुंडी, बोरी, नागेपल्ली, आलापल्ली, कोडसेपल्ली, स. (महिला राखीव), कमलापूर, गोविंदगांव (महिला राखीव), जिमलगट्टा, देचली या रिक्त असलेल्या १० पदाकरीता कोतवाल पदभरती करावयाची असून पदभरती संबंधात जाहिरनामा तहसिल कार्यालय, अहेरी येथे तसेच संबंधित तलाठी कार्यालय, ग्राम पंचायत कार्यालय येथे ३१ जुलै २०२३ रोजी प्रसिद्ध करण्यात आले आहेत.

तरी कोतवाल पदाकरीता इच्छुक स्थानिक उमेदवरांनी जाहिरनाम्यामध्ये दिलेल्या पात्रतेचे निकष व विहित अटी व शर्तीवर अनुसुचित जमाती संवर्गातील आवश्यक अर्हताधारक उमेदवारांनी तहसिल कार्यालयातील विहित नमुन्यात ऑफलाईन पद्धतीने ०१ ऑगस्ट २०२३ ते १० ऑगस्ट २०२३ पर्यंत तहसिल कार्यालय, अहेरी येथे अर्ज सादर करावा. असे तहसिलदार, अहेरी यांनी कळविले आहे.