महत्वाच्या बातम्या

भामरागड पोलीसांच्या पुढाकाराने पार पडला कृषी मेळावा

विदर्भ न्यूज एक्सप्रेस
तालुका प्रतिनिधी / भामरागड : भामरागड तालुक्यातील शेतकरी बांधवांचे कृषी क्षेत्रात वृध्दी होवुन त्यांच्यात आर्थिक, सामाजिक, शैक्षणिक, क्रिडा विषयक सर्वांगिण विकास होवुन भामरागड तालुक्याच्या विकासामध्ये त्यांचे योगदान व्हावे या हेतुने दरवर्षीप्रमाणे यावर्षी सुद्धा पोलीस स्टेशन भामरागड येथे पोलीस दादालोरा खिडकी अंतर्गत १९ जुलै २०२३ रोजी पोलीस स्टेशन भामरागडच्या पटांगणावर कृषी मेळावा कार्यक्रमाचे आयोजन करण्यात आले.

कृषी मेळावा कार्यक्रमाकरीता उपविभागीय पोलीस अधिकारी नितीन गणापुरे, पोलीस निरिक्षक कुमारसिंग राठोड संवर्ग विकास अधिकारी स्वप्नील मगदुम, कृषी अधिकारी मनिषा राजनहिरे, पोलीस उपनिरिक्षक कु. विशाखा म्हेत्रे तसेच पोलीस स्टेशन भामरागड हद्दीतील १५० ते २०० शेतकरी बांधव हजर होते. उपस्थित शेतकरी बांधवाना उपविभागीय पोलीस अधिकारी नितीन गणापुरे यांनी पोलीस दादालोरा खिडकी अंतर्गत विविध शासकीय योजनांचा लाभ मिळवून देण्यात येत असतो. आपण पोलीस दादालोरा खिडकीला भेट देवुन विविध शासकीय योजनांचा लाभ घ्यावा असे आवाहन केले. तसेच उपस्थित मान्यवरांनी आपआपल्या विभागामार्फत सुरु असलेल्या शासकीय योजनांची माहिती व शेतकऱ्यांच्या उन्नतीसाठी कृषी योजनांची माहिती दिली.

पोलीस निरिक्षक कुमारसिंग राठोड यांनी यांनी शेतीविषयक माहीती व मार्गदर्शन केले व त्यांना आधुनिक शेती विषयक माहीती देवून पोलीस दादालोरा खिडकी च्या माध्यमातून राबविण्यात येणाऱ्या सर्व योजनांची माहीती दिली व त्याचे लाभ घेण्यास सांगितले तसेच एमएमबीबीएस परिक्षा मध्ये भामरागड तालुक्यातील ज्या विद्यार्थ्यानी परिक्षा पास केले अशा गुणवंत विद्यार्थ्याचे कृषी मेळाव्याचे औचित्य साधुन पोलीस स्टेशन भामरागड येथे शाल श्रीफळ देवुन त्यांचे सत्कार करण्यात आले. उपस्थित शेतकरी बांधवांना पोलीस स्टेशन भामरागड मार्फत मोफत १० कि.ग्रॅ. प्रमाणे २० बॅग धान बियाणे चे वाटप, ०२ फवारणी पंप, २० लिंबु रोपटे, २० आवळा रोपट २० करंजी रोपटे, शेतीउपयोगी १०० प्लॉस्टीक व १५ जात प्रमाणपत्राचे वाटप करण्यात आले.

कृषी मेळावा यशस्वीपणे पार पाडण्याकरीता पोलीस निरीक्षक कुमारसिंग राठोड यांच्या नेतृत्वात पोउपनि/संकेत नानोटी, मपोउपनि विशाखा म्हेत्रे व भामरागड पोलीस स्टेशनचे सर्व अंमलदार या सर्वांनी अथक परिश्रम घेतले.