एका उमेदवाराची संपत्ती फक्त ९ रुपये : महाराष्ट्रातून लढणार लोकसभेची निवडणूक


विदर्भ न्यूज एक्सप्रेस 
वृत्तसंस्था / सोलापूर :
लोकसभा निवडणुकीसाठी उमेदवारी अर्ज दाखल करताना दिलेल्या संपत्तीच्या प्रतिज्ञापत्रातून एका उमेदवाराची संपत्ती फक्त ९ रुपये असल्याचे समोर आले आहे . व्यंकटेश्‍वर महास्वामी असे या उमेदवाराचे नाव असून त्यांनी सोलापूरमधून अर्ज दाखल केला आहे . प्रतिज्ञापत्रात त्यांनी फक्त नऊ रुपये हातात असल्याचा उल्लेख केला आहे.  
 अनुसूचित जातीसाठी राखीव असलेल्या सोलापूर मतदारसंघातून भाजपाच्या वतीने डॉ. जयसिद्धेश्‍वर महास्वामी, वंचित बहुजन आघाडीच्या वतीने प्रकाश आंबेडकर आणि काँग्रेसकडून माजी मुख्यमंत्री सुशिलकुमार शिंदे मैदानात उतरले आहेत. त्यासोबतच व्यंकटेश्‍वर महास्वामी यांनीही हिंदुस्थान जनता पार्टीतर्फे उमेदवारी दाखल केली. व्यंकटेश्‍वर महास्वामी ऊर्फ दीपक गंगाराम कटकधोंड, असे त्यांचे नाव  असून त्यांनी उमेदवारी अर्ज दाखल केला आहे. अर्जासोबत दिलेल्या संपत्तीच्या प्रतिज्ञापत्रात त्यांनी फक्त नऊ रुपये हातात असल्याचा उल्लेख केला आहे. त्याच वेळी त्यांनी ४५ हजार रुपयांचे कर्ज हात उसने घेतल्याचे म्हटले आहे. व्यंकटेश्‍वर महास्वामी यांच्या नावावर कोणत्याही प्रकारची जंगम अथवा स्थावर मालमत्ता नाही, तसेच त्यांच्यावर कुणीही अवलंबून नाही, असे प्रतिज्ञापत्रात म्हटले आहे 
भाजपचे उमेदवार डॉ. जयसिद्धेश्‍वर यांच्याकडे ६ कोटी ४६ लाख ०७९ रुपयांची मालमत्ता असल्याचे प्रतिज्ञापत्रात नमूद करण्यात आले आहे. वंचित बहुजन आघाडीचे उमेदवार अ‍ॅड. प्रकाश आंबेडकर यांच्या नावे ४१ लाख ८१ हजार रूपयाची संपत्ती आहे. पत्नी अंजली आंबेडकर यांच्या नावे ७३ लाख ८६ हजार २७३ रूपये तर मुलगा सुजात यांच्या नावे ९ लाख ५५ हजार ४५४ रूपये इतकी आहे. 
 



  Print






News - Rajy | Posted : 2019-03-27






Related Photos