चंद्रपुरातील युवकाला अमेरिकेत बेस्ट डायरेक्टर अवार्ड


जिल्ह्याच्या कला विश्वात रोवला मानाचा तुरा
विदर्भ न्यूज एक्सप्रेस 
प्रतिनिधी / चंद्रपूर : 
कोळसा खाणींमुळे ब्लॅक गोल्ड सिटी म्हणुन लौकिकास आलेल्या चंद्रपुर शहराने जिल्ह्याच्या विविध क्षेत्रात अनेक प्रतिभावंतांना जगापुढे आणले आहे. त्यातच एक सुवर्ण झळाळी असलेली भर पडली असून चंद्रपूरातील युवकाला अमेरिकेत उत्कृष्ठ दिग्दर्शकाचा पुरस्कार २१ ऑक्टोबर ला देण्यात आला आहे. हा दिमाखदार सोहळा अमेरिकेच्या न्युयॉर्क सिटी मध्ये टाईम्स स्क्वेअर परिसरात झाला. आपल्या प्रतिभेने जिल्ह्याचे नाव साता समुद्रापार नेणा-या या युवकाचे नाव आहे, विप्लव शिंदे. तो येथील सराफा व्यवसायी आणि गाडगेबाबांच्या आदर्शावर चालणारे डेबू सावली वृध्दाश्रमाचे संस्थापक सुभाष व भारती शिंदे यांचा चिरंजीव आहे.  
द कटिंग रुम इंटरनेशनल फिल्म फेस्टिवल च्या पहिल्याच वर्षी विप्लव ने  हा पुरस्कार घेवून आणखी एका इतिहासाची नोंद केली आहे. त्याची एकलिफ्ट स्टोरी या लघुपटाला जगभरातील उत्कृष्ठ ६० चित्रपटांमधुन निवडण्यात आले. या वैश्विक फेस्टिवल साठी अमेरिकेसह जगातील १० पेक्षा अधिक देशांतून १५० हुन जास्त प्रवेशिका आल्या होत्या. त्यातून निवडक ६० चित्रपटांना निवडून स्क्रिनींग करण्यात आले. त्यातूनच विप्लव शिंदे च्या एक लिफ्ट स्टोरी लघुपटाला हा पुरस्कार प्रदान करण्यात आला. हा लघुपट अमिताभ बच्चन ला लोकप्रिय बनविण्यात योगदान देणारे निर्माते-दिग्दर्शक स्व.प्रमोद चक्रवर्ती यांच्या प्रमोद फिल्मस् ने प्रोड्युस केला असून चंद्रपूरचे नाव या क्षेत्रातून आंतरराष्ट्रिय स्तरावर पोहचविणारा विप्लव शिंदे हा पहिलाच युवा दिग्दर्शक ठरला आहे. अमेरिकेत हा पुरस्कार ग्रहण करतांनाही त्याने चंद्रपूर आणि चंद्रपूरकरांच्या प्रेमाची प्रांजळ कबूली दिली. येणा-या काळात बीग बजेटच्या सिनेमावर काम करण्याची माहिती ही त्याने दिली. उल्लेखनिय असे की, यापुर्वी त्याच्या द कीड  लघुपटाचीही चर्चा झाली होती. विप्लव ने सुभाष घईच्या विस्टलींगवूडस् मधुन दिग्दर्शनाचे प्रशिक्षण घेतले आहे. त्याच्या या यशाने चंद्रपूरच्या कला जगतात आनंद व्यक्त केला जात आहे.  



  Print






News - Chandrapur | Posted : 2018-10-31






Related Photos