महत्वाच्या बातम्या

१० ऑक्टोंबर राष्ट्रीय जंतनाशक दिन मोहिम

विदर्भ न्यूज एक्सप्रेस

प्रतिनिधी / गडचिरोली : राष्ट्रीय जंतनाशक दिन मोहिम 10 ऑक्टोंबर 2022 ला जिल्हयात आरोग्य विभागामार्फत राष्ट्रीय जंतनाशक दिन 10 ऑक्टोंबर 2022 व 17 ऑक्टोंबर 2022 ला मॉप अप दिन राबविण्यात येत आहे. जिल्हयात 1 ते 19 वयोगटातील 2,93,009 बालके आहेत. या वयोगटातील मुलांना या परजीवी जंतापासुन आजार उदभवण्याचा धोका आहे. दुषित मातीच्या संपर्कात आल्यामुळे हा आजार सहजतेने होण्याची शक्यता असते. त्यामुळे कुपोषण, रक्तक्षय, पोट दुखी, भुक मंदावने, अतिसार, शौचामध्ये रक्त पडणे, आतडयावर सुज येणे ईत्यादी समस्या निर्माण होतात.

राष्ट्रीय जंतनाशक दिनाचा उददेश:- राष्ट्रीय जंतनाशक दिनाचा उददेश हा 1-19 वर्ष वयोगटातील सर्व मुंला-मुलींना शाळा व अंगणवाडी केंद्र स्तरावर जंतनाशक गोळी देवुन त्यांचे आरोग्य चांगले ठेवणे,पोषण स्थिती, शिक्षण व जिवनाचा दर्जा उंचावणे हा आहे. जिल्हयात 10 ऑक्टोंबर 2022 व 17 ऑक्टोंबर 2022 ला मॉप अप दिन म्हणून पाळण्यात येणार आहे.जिल्हयातील मोहिमेकरीता 1 ते 19 वयोगटातील पात्र लाभार्थी, 2,93, 009 ( 1 ते 6 वर्ष वयोगटातील अंगणवाडीतील बालके 85846) (6 ते 10 वर्ष वयोगटातील बालके 67209)(10 ते 19 वर्ष वयोगटातील बालके 139954) मोहिमेमध्ये कार्यरत मनुष्यबळ-(नोडलशिक्षक+आशा+अंगणवाडीसेविका)5892 यामध्ये अंगणवाडी + मिनी अंग.2376,एकुण नोडल शिक्षक 2051, (शासकिय / अनुदानित शाळा 1813,खाजगी शाळा 218,तांत्रिक संस्था 20) आशा 1465)जिल्हयातील एकुण बुथची संख्या (अंगणवाडी केंद्र+शाळा)4427(अंगणवाडी+मिनी अंग.2376)शाळा 2051) लाभार्थ्यांना देण्यात येणाऱ्या उपलब्ध गोळयांची संख्या 8,68,331,औषधीची मात्रा औषधाचे नांव अल्बेंडाझोल 400, mg 1 ते 2 वर्ष,अर्धी गोळी (अल्बेंडाझोल 200 मि.ग्रॅ)पावडर करुन व पाण्यात विरघळून पाजावी, 2 ते 3 वर्ष एक गोळी (400मि.ग्रॅ)पावडर करुन पाण्यात विरघळून पाजावी)3 ते 19 वर्ष एक गोळी (400मि.ग्रॅ)चावून खाण्यास लावणे.

जंताचा प्रार्दुभाव होणार नाही याकरीता पुढील प्रमाणे दक्षता घ्यावी:- जेवणाच्या आधी हात स्वच्छ धुणे,भाजी व फळे खाण्यापुर्वी व्यवस्थित धुणे,स्वच्छ व उकडून थंड केलेले पाणी प्यावे, पायात चपला व बुट घालावे, नियमित नखे कापावी,शौचालयाचाच वापर करावा,उघडयावर शौचास बसू नये, परिसर स्वच्छ ठेवावा.

राष्ट्रीय जंतनाशक दिनाचा उद्देश हा 1 ते 19 वर्ष वयोगटातील सर्व मुलां-मुलींना शाळा व अंगणवाडी केंद्र स्तरावर जंतनाशक गोळी देवून त्यांचे आरोग्य चांगले ठेवणे, पोषण स्थिती, शिक्षण व जीवनाचा दर्जा उंचावणे हा आहे. याकरीता जिल्हयातील सर्व अंगणवाडी, शाळा मधील सर्व 1 ते 19 वर्ष या वयोगटातील मुलां-मुलाकरीता जंतनाशक गोळया अंगणवाडी सेविका,आशा व शिक्षकांमार्फत खावू घालणार आहेत. तरी याचा लाभ घेण्यात यावा व या कार्यक्रमाला सर्वानी सहकार्य करावे असे आवाहन जिल्हा आरोग्य अधिकारी, जि. प. गडचिरोली, डॉ. दावल साळवे यांनी केले आहे.