महत्वाच्या बातम्या

आष्टी-चंद्रपुर महामार्गाचे चौकातील काम रितसर करा

विदर्भ न्यूज एक्सप्रेस

प्रतिनिधी / आष्टी : आष्टी येथे आष्टी-चंद्रपुर महामार्गाचे काम सुरु आहे. सदर मार्गाच्या दूतर्फा नालीचे बांधकाम करुणच मार्गाचे काम काही अंतरापर्यंत करण्यात आले. पण मुख्य चौकाच्या मार्गात सदर नालीचे बांधकाम न करता सरळ-सरळ मार्गाचे काम करण्यात आले. त्यामुळे पावसाच्या पाण्याचे योग्य निचरा न होता पाणी रस्त्यालगतच्या दुकानात शिरुण मालाचे नुकसान होत आहे. त्यामुळे लोकांना नाहक त्रास सहन करावा लागत आहे.

पुढील पाऊस काळात नागरिकांचे आरोग्य धोक्यात येण्याची शक्यता नाकारता येत नाही. त्यामुळे सदर मार्गाचे योग्य मोजमापाने व झालेल्या रोड बांधकामापर्यंत नालीचे पूर्ण बांधकाम करण्यात यावे. या समस्याचे निवेदन चौकातील व्यापारी वर्गाच्या वतीने कॅबिनेट मंत्री धर्मराव बाबा आत्राम यांच्याकडे देण्यात आले. सदर समस्याचे निराकरण न झाल्यास आंदोलन करण्याचा इशारा देण्यात आला.

यावेळी परेश बीश्वास, प्रंशात तळोधीकर, सजंय पांडे, राजकुमार वैद्य, अन्वर पठान, तिलकराज रेवडी, संदीप डहाळे, भास्कर चिंतावार, अशोक गोनपल्लीवार, दीपक पांडे आदी व्यापारी उपस्थित होते.