महत्वाच्या बातम्या

लक्ष्मीबाई आमटे चॅरिटेबल ट्रस्ट व लोकबिरादरी प्रकल्प यांच्या संयुक्त विद्यमाने गुणवंत विद्यार्थ्यांना पारितोषिक व सत्कार

विदर्भ न्यूज एक्सप्रेस

तालुका प्रतिनिधी / भामरागड : ३० जून २०२३ ला शाळा प्रवेशोत्सव २०२३-२४ चे औचित्य साधून लोकबिरादरी आश्रम शाळा तथा कनिष्ठ महाविद्यालय, हेमलकसा येथील इयत्ता १० वी व इयत्ता १२ वी मध्ये प्राविण्य प्राप्त गुणवंत विद्यार्थ्यांचा सत्कार करुन बक्षीस स्वरुपात धनादेश देण्यात आले.

लक्ष्मीबाई आमटे चॅरिटेबल ट्रस्ट व लोकबिरादरी प्रकल्प हेमलकसा यांचे संयुक्त विद्यमाने दरवर्षी इ. १० वी व इ. १२ वी मध्ये प्राविण्य प्राप्त विद्यार्थ्यांचा सत्कार करुन बक्षीस स्वरुपात धनादेश देण्यात येते. दरवर्षी प्रमाणे यावर्षीसुद्धा इयत्ता १० वी तील रीया जयराम सिडाम (८०.२० टक्के-प्रथम) १२ हजार रुपये, ज्योती मुंशी लेखामी (७९ टक्के-द्वितीय)१० हजार रुपये, सदिया मासू मट्टामी (७८.४ टक्के-तृतीय) ८ हजार रुपये, इयत्ता १२ वी तील अर्चना पोट्टी सडमेक (७६.६७ टक्के-प्रथम) १२ हजार रुपये, रेणुका रामपूरी मांजी (७४.६७ टक्के-द्वितीय) १० हजार रुपये व वंदना राजू तिम्मा (७४.१७ टक्के-तृतीय) ८ हजार रुपये, लोकबिरादरी प्रकल्पाचे संचालक तथा समाजसेवक अनिकेत आमटे यांच्या हस्ते देण्यात आले व सर्व प्राविण्य प्राप्त विद्यार्थिनीचा सत्कार करण्यात आला.

याप्रसंगी सामाजिक कार्यकर्ते चिन्ना महाका, भामरागड येथील आदिवासी मुलींच्या वसतिगृहाच्या अधिक्षीका गवई, लोकबिरादरी आश्रम शाळेचे मुख्याध्यापक श्रीराम झोडे, माजी विद्यार्थी सागर आतलामी इत्यादी मान्यवर उपस्थित होते. कार्यक्रमाला बहुसंख्य पालक व विद्यार्थ्यांची उपस्थिती होती. संचालन प्रा. गिरीश कुलकर्णी यांनी केले.