दिव्यांग पोस्ट मॅट्रीक शिष्यवृत्ती योजनेचे अर्ज स्विकारण्यास मुदतवाढ

विदर्भ न्यूज एक्सप्रेस
प्रतिनिधी / वर्धा : दिव्यांग विद्यार्थ्यांसाठी पोस्ट मॅट्रीक शिष्यवृत्ती योजना सुरु करण्यात आली आहे. सदर योजनेपासुन विद्यार्थी वंचित राहू नये व जास्तीत जास्त विद्यार्थ्यांना योजनेचा लाभ व्हावा यासाठी अर्ज स्विकारण्यास मुदतवाढ देण्यात आली आहे.

दिव्यांग विद्यार्थ्यांसाठी पोस्ट मॅट्रीक शिष्यवृत्ती योजनेंतर्गत 2022-23 या वर्षासाठी दिव्यांग विद्यार्थ्यांना नवीन अर्ज डीबीटी पोर्टलवर सादर करणे तसेच सन 2021-22 साठी परत अर्ज सादर करण्याकरीता 30 जुन पर्यंत मुदतवाढ देण्यात आली आहे. जास्तीत जास्त विद्यार्थ्यांनी सदर योजनेचा लाभ घ्यावा, असे आवाहन जिल्हा समाज कल्याण अधिकारी प्राजक्ता इंगळे यांनी केले आहे.