आ. विजय वडेट्टीवार यांच्या हस्ते ज्येष्ठ काँग्रेस कार्यकर्त्यांचा सत्कार
- शहर काँग्रेस सावलीचा उपक्रम
विदर्भ न्यूज एक्सप्रेस
प्रतिनिधी / चंद्रपूर : गेल्या अनेक वर्षांपासून पक्ष निष्ठा जोपासत तन-मन - धनाने काम करणाऱ्या एकनिष्ठ काँग्रेस पक्षाच्या ज्येष्ठ कार्यकर्त्यांचा आज राज्याचे माजी कॅबिनेट मंत्री, काँग्रेस नेते, आ. विजय वडेट्टीवार यांच्या हस्ते सावली येथील पत्रकार भवनात शहर काँग्रेस कमेटी सावलीच्या वतीने आयोजित कार्यक्रमात सत्कार करण्यात आला.
याप्रसंगी प्रामुख्याने कार्यक्रमाचे अध्यक्ष राज्याचे माजी कॅबिनेट मंत्री, काँग्रेस नेते, आ. विजय वडेट्टीवार, प्रमुख अतिथी म्हणून गडचिरोली काँग्रेस ज्येष्ठ नेते व माजी जिल्हा परिषद सदस्य ॲड. राम मेश्राम, माजी जिल्हा परिषद सभापती संदीप गड्डमवार, काँग्रेस शहर अध्यक्ष विजय मुत्यालवार, महिला काँग्रेस अध्यक्षा उषा भोयर, शहर काँग्रेस महिला अध्यक्ष भारती चौधरी, नगराध्यक्ष लता लाकडे, उपनगराध्यक्ष संदिप पुण्यापवार, नगरपंचायत सावलीचे सर्व विभागाचे सभापति, नगरसेवक, नगरसेविका व सत्कारमूर्ती ज्येष्ठ काँग्रेस कार्यकर्ते तथा युवक काँग्रेस, महिला काँग्रेसचे कार्यकर्ते व बहुसंख्या नागरिक उपस्थित होते.
यावेळी मार्गदर्शनपर आ. विजय वडेट्टीवार म्हणाले की, काँग्रेस पक्ष हा धर्मनिरपेक्ष निष्ठावान व सर्वसामान्य गोरगरीब जनतेचा विकास साधनाला पक्ष असून या पक्षाला त्याग व बलिदानाचा वारसा लाभला आहे. काँग्रेस पक्षाचा प्रत्येक कार्यकर्ता हा निष्ठावान कार्यकर्ता असून सावली तालुक्यातील ज्येष्ठ काँग्रेस कार्यकर्त्यांनी एकजुटीने व निष्ठेने पक्षासाठी काम करून पक्षाच्या संघटनात्मक बांधणीमध्ये मोलाचे योगदान दिले. हा इतिहास सदैव अविस्मरणीय असून युवा काँग्रेस कार्यकर्त्यांनी ज्येष्ठांच्या मार्गदर्शनात काँग्रेस पक्ष बळकटी करण्यासाठी प्रयत्नशील राहावे असे आवाहन त्यांनी यावेळी केले. यानंतर पक्ष संघटन व पक्षाच्या विचार - प्रसार यावर विस्तृत चर्चा करण्यात आली. तदुचाच काँग्रेस पक्षाचे सावली तालुक्यातील ज्येष्ठ व निष्ठावंत कार्यकर्त्यांचा शाल, श्रीफळ व पुष्पगुच्छ देऊन आ. विजय वडेट्टीवार यांच्या हस्ते सत्कार करण्यात आला. कार्यक्रमाचे सूत्रसंचालन सी. पी. गेडाम, प्रास्ताविक प्रियंका रामटेके, यांनी तर आभार नितीन दुब्बावार यांनी मानले. याप्रसंगी प्रामुख्याने बहुसंख्य ज्येष्ठ नागरिक काँग्रेस पदाधिकारी व कार्यकर्ते उपस्थित होते.
News - Chandrapur