महत्वाच्या बातम्या

पाथरगोटा येथे निपूण विद्यार्थी घडविण्यासाठी विविध उपक्रमात लोकप्रतिनिधी व गावकऱ्यांचा उत्स्फूर्त सहभाग

विदर्भ न्यूज एक्सप्रेस

तालुका प्रतिनिधी / आरमोरी : नवीन राष्ट्रीय शैक्षणिक धोरण २०२० नुसार पायाभूत साक्षरता आणि संख्याज्ञान हा विषय केंद्रस्थानी असून मिशन मोडमध्ये सन २०२६-२७ पर्यंत प्रत्येक बालकाला साध्य करणे आवश्यक आहे. याकरिता २० SUMMIT पंधरवाडा कार्यक्रम १ जून ते १५ पर्यंत पूर्व नियोजनानुसार आयोजित पाचरागोटा येथे निपूण विद्यार्थी घडविण्यासाठी लोकप्रतिनिधी व गावकरी सरसावले असून दररोज होणाऱ्या उपक्रमात उत्सफूर्तपणे सहभागी होत आहेत.

जि.प.उ.प्राथ. शाळा पाथरगोटा येथे माता पालक व गावातील नागरीकांना नवीन शैक्षणिक धोरण कळावे, याकीता प्रथम गावातून प्रभातफेरी काढून जनजागृती करण्यात आली. यानंतर पालक, शिक्षक, माता, स्वयंसेवक शाळाव्यवस्थापण समिती संदस्य यांची सभा समितीचे अध्यक्ष मनोहर अलोने यांच्या अध्यतेखाली घेऊण पायाभूत साक्षरता व संख्याज्ञानाचे महत्व पटवून देण्यात आले. कथाकथन उपक्रमाअंतर्गत गावातील वयोवृद्ध रुषी राऊत व लक्ष्मी ठाकरे, गुरुदेव आठोळे यांनी बोधपरकथा सांगीतल्या. गीतगायन उपक्रमाअंतर्गत उज्वला ठाकरे, हेमलता ठाकरे आणि प्रतिभा ठाकरे यांनी विद्यार्थी गुणवत्तेवर शैक्षणिक गीत सादर करून बालकांची मने जिंकली. पायाभूत साक्षरता व संख्याज्ञानावर आधारीत रांगोळी स्पर्धा घेण्यात आल्या व पाहण्याकरीता गावातील नागरीकांना खुले करण्यात आले. घोषवाक्य उपक्रमाअंतर्गत ईयत्ता ५ ते ७ मुलांनी लहान बालकांना शाळेत येण्याची आवड निर्माण व्हावी. घोषवाक्य व वाक्यपट्या तयार करुण गावाती चौकात व घराच्या भितीवर लावल्या.

यावेळी उपक्रमांना गावातील नागरीक, पालक, एसएमसी पदाधीकारी, मुख्याध्यापक निकेश बंसोड, पदविधर शिक्षक जिवन शिवनकर, मंदा मांदाडे, सुरेश उके, अंगणवाडी सेविका विमल बगमारे, रसीका प्रधान मातापालक व विद्यार्थी बहुसंख्येने उपस्थित होते.