तेलंगणा राज्यातील चेन्नूर - मंचेरियल मार्गावर अपघातात दोघांचा मृत्यू, जखमींमध्ये सिरोंचातील नागरीकांचा समावेश


विदर्भ न्यूज एक्सप्रेस
प्रतिनिधी / सिरोंचा :
लगतच्या तेलंगणा राज्यातील चेन्नूर - मंचेरियल मार्गावरील किष्टमपेठ जवळील वळण मार्गावर टाटा मॅजिक व ट्रकच्या भिषण अपघातात दोघांचा मृत्यू झाल्याची घटना आज ३० जानेवारी रोजी सकाळच्या सुमारास घडली. या अपघातातील सिरोंचा तालुक्यातील प्रवासी जखमी झाले असल्याची माहिती प्राप्त झाली आहे.
टाटा मॅजिक वाहनातून सिरोंचा तालुक्यातील तसेच तेलंगणा राज्यातील प्रवासी प्रवास करीत होते. दरम्यान ट्रक आणि मॅजिक वाहनाचा अपघात झाला. यात तेलंगणा राज्यातील दोघे जण ठार झाले आहेत. घटनेची माहिती सिरोंचा येथील सादत ऑटोच्या मालकांना मिळताच त्यांनी तेलंगणातील मित्रांना माहिती दिली. नागरीकांनी घटनास्थळी धाव घेवून जखमींना मदत केली. जखमींवर तेलंगणा राज्यातील रूग्णालयात उपचार सुरू आहेत.

 



  Print






News - Gadchiroli | Posted : 2019-01-30






Related Photos