घर खाली करण्यासाठी महिलेला बंदुकीने जिवे मारण्याची धमकी
- गुन्हा दाखल मात्र अटक नाही
विदर्भ न्यूज एक्सप्रेस
प्रतिनिधी / चंद्रपूर : घराशेजारी राहणाऱ्या व्यक्तीकडून घर खाली करण्यासाठी वारंवार धमकी दिली जात असून जातीवाचक शिवीगाळ केली जात असल्याचा आरोप पीडित महिला वंदना खोरवाल हिने केले आहे. मात्र, केवळ गुन्हा दाखल करून आरोपीला मोकळे सोडण्यात आल्याने आरोपीपासून जीवितास धोका असल्याचा आरोप पीडितेने केले आहे.
चंद्रपूर येथील राजीव गांधी नगरातील मॅग्झीन गोदामसमोर राहणारी वंदना खोरवाल नामक महिला मागील दहा वर्षांपासून वास्तव्यास आहे. पहिला पती सोडून गेल्याने तिने दुसरे लग्न केले. दुसरा नवरा हा कामानिमित्त बाहेरगावी राहते. ती एकटीच चंद्रपुरातील घरी वास्तव्यास आहे. दरम्यान, तिच्या घराशेजारी राहणारा समीर अब्दुल सत्तार हा पीडितेला घर खाली करण्यासाठी वारंवार त्रास देत असल्याची तक्रार तिने रामनगर पोलीस ठाण्यात केली. बंदूक छातीला लावून जिवे मारण्याची धमकी दिल्याचेही तिने तक्रारीत म्हटले आहे. सदर तक्रारीवरून सत्तार विरोधात गुन्हा दाखल करण्यात आले. मात्र, पोलिसांकडून थातूरमातूर चौकशी करण्यात आली व त्याला सोडून दिले. समीर सत्तार हा गुंडप्रवृत्तीचा असून, परिसरात त्याची दहशत असल्याचा आरोप महिलेने केला असून, जीवितास धोका असल्याने त्याच्यावर कठोर कारवाई करण्याची मागणी पीडितेने केली आहे.
समीर सत्तार हा स्वतः तडीपार असल्याचे सांगतो. शिवाय त्याच्याकडे बंदुकीसारखे शस्त्र असल्याचे पीडितेने बयाणात सांगितले. मात्र, पोलिसांनी त्याच्या घराची साधी झडतीही घेतली नाही. त्यामुळे भविष्यात त्याच्यामुळे जीवितास धोका असून, त्याला अटक करून कठोर कारवाईची मागणी पीडित महिलेने केली आहे.
News - Chandrapur