विदर्भ राज्य निर्माण यात्रा उद्यापासून गडचिरोली जिल्ह्यात


विदर्भ न्यूज एक्सप्रेस
प्रतिनिधी /गडचिरोली :
२ जानेवारीपासून नागपूर येथून सुरू करण्यात आलेली विदर्भ निर्माण यात्रा उद्या ७ आणि मंगळवार ८ जानेवारी रोजी गडचिरोली जिल्ह्यात येणार असल्याची माहिती विदर्भ राज्य आंदोलन समिती गडचिरोली जिल्हा शाखेच्या वतीने देण्यात आली आहे.
विदर्भाच्या सर्वांगिण विकासासाठी, शेतकऱ्यांचे प्रश्न संपविण्यासाठी व बेरोजगारांच्या रोजगारासाठी एकच उपाय ’स्वतंत्र विदर्भ राज्य’ याकरीता विदर्भ राज्य निर्माण यात्रा काढण्यात आली आहे. या विदर्भ राज्य निर्माण यात्रेचे आगमन उद्या ७ जानेवारी रोजी कोरची येथे सायंकाळी ५ वाजता आगमन होणार आहे. कुरखेडा येथे रात्री ७ वाजता सभेचे आयोजन करण्यात आले आहे. 
८ जानेवारी रोजी देसाईगंज येथे सकाळी ११ वाजता, आरमोरी येथे दुपारी १२ वाजता, धानोरा येथे दुपारी ३ वाजता, गडचिरोली येथे सायंकाळी ४ वाजता यात्रा येणार आहे. गडचिरोली येथे पत्रकार परिषदेचे आयोजन करण्यात आले आहे. यानंतर चामोर्शी येथे रात्री ७ वाजता सभा होणार आहे.
या यात्रेत विदर्भवादी जनतेने सहभागी होण्याचे आवाहन विदर्भ राज्य आंदोलन समितीचे गडचिरोली जिल्हा समन्वयक अरूण पाटील मुनघाटे, जिल्हाध्यक्ष राजेंद्रसिंह  ठाकूर, अशोक पोरेड्डीवार, उपाध्यक्षा शालिक नाकाडे, रमेश अप्पलवार, गोवर्धन चव्हाण, देविदास मडावी, पांडूरंग घोटेकर, परशुराम सातार, वामनराव जुवारे, घिसु पाटील खुणे, एजाज शेख, बाळू मडावी, चंद्रशेखर जक्कनवार, समय्या पसुला, श्रीकृष्ण नैताम, विलास गण्ययारपवार, कालिदास बुरांडे, महिला आघाडी च्या मनिषा तामसेटवार, मनिषा सजनपवार, युवा आघाडीचे चंद्रशेखर गडसुलवार, कमलेश भोयर, सुरेश बारसागडे, दिप्ती झाडे यांनी केले आहे.

 



  Print






News - Gadchiroli | Posted : 2019-01-06






Related Photos