वहिनीच्या आई- वडिलांचा खून करणाऱ्या दिरास आजन्म कारावास


- वर्धा न्यायालयाचा निकाल 
विदर्भ न्यूज एक्सप्रेस 
जिल्हा प्रतिनिधी / वर्धा :
वहिनीच्या आई वडिलांची धारदार शस्त्राने हत्या करणाऱ्या तसेच वहिनीच्या बहिणीला व आजीला जखमी करणाऱ्या आरोपी दिरास वर्धा येथील अतिरिक्त सत्र न्यायधीश मृदुला भाटिया यांनी मरेपर्यंत आजन्म कारावास व  ५० हजार रुपयांचा दंड ठोठावला आहे . पंकज मोरेश्वर डिक्कोनवार उर्फ पंकज तानाजी कुसळकर (२६) रा. कोंढाळी, तह-काटोल , जि- नागपूर, असे आरोपीचे नाव आहे . 
फिर्यादी साधनाची बहीण शारदा हिचे लग्न आरोपीच्या भावाशी झालेले आहे . आरोपी हा शारदा हीचा दीर लागतो . फिर्यादी साधन आणि आरोपी यांचे प्रेमसंबंध होते . त्यासंबंधात ते दोघेही शेगाव येथे पळून गेले होते . त्यानंतर फिर्यादीचे आई वडील व बहीण व आरोपीचा भाऊ  यांनी लग्न लावून देतो असे  सांगून वापस बोलविले . वापस आल्यानन्तर फिर्यादीचे आई वडील यांनी लग्न लावून  देण्यास नकार दिला . त्यामुळे चिडून जाऊन आरोपी हा १९ एप्रिल २०१६ रोजी पहाटे ४ वाजता फिर्यादीचे   वडील पांडुरंग भांडेकर व रेखा भांडेकर , फिर्यादी व तिची आजी शकुंतला  व तिच्या नाती पूनम आणि मोनिका झोपून असतांना आरोपी हा घरात आला व त्याने  फिर्यादीचे वडील पांडुरंग भांडेकर यांच्यावर हातात चाकू घेऊन त्यांच्यावर वार केलं , आवाजामुळे सर्व उठले . आरोपीच्या तावडीतून पांडुरंग भांडेकर यांना सोडविण्यास त्यांची पत्नी रेखा भांडेकर गेली असता तिला सुद्धा चाकूने मारले . फिर्यादी व तिची आजी सुद्धा सोडविण्यास गेले असता त्यांना सुद्धा  चाकूने  जखमी केले . चाकूच्या जखमांमुळे रेखा भांडेकर हि त्याच दिवशी कारंजा रुग्णालयात मरण पावली व पांडुरंगत भांडेकर यांना नागपूरला भरती केले असता त्यांचा सुद्धा त्याच दिवशी मृत्यू झाला . 
आरोपी अपराध करून पळत असतांना अमोल बर्डे व त्यांचे वडील यांनी पकड्ले . फिर्यादीचे वडील पांडुरंग भांडेकर व आई रेखा भांडेकर यांचा खून आरोपीने फिर्यादींबरोबर लग्न करण्यास तिचे आई वडिलांनी नकार दिल्यामुळे त्याचा राग धरून त्यांचा खून केला व फिर्यादी व आजी  यांना सुद्धा जखमी केले . याबाबत  फिर्यादीने आरोपीविरुद्ध तक्रार दिली. तपासाअंती स. पो. नि विनोद चौधरी यांनी आरोपीविरुद्ध भरपूर पूर्व मिळून आल्याने सदर प्रकरण नयप्रविष्ठ केले . 
सदर खटला सहायक सरकारी अभियोक्ता विनय आर. घुडे यांनी शासनातर्फे एकूण २६ साक्षिदार तपासले व तसेच आरोपीतर्फे आरोपीचा भाऊ किशोर कुसळकर यांनी साक्ष आरोपीने बचावाकरिता घेतली परंतु सदर साक्ष  बचाव करण्यास पात्र ठरली नाही . तसेच आरोपीला सजा  देण्यास प्रत्यक्षदर्शी साक्षीदार यांची साक्ष व सी. ए रिपोर्ट , डी. एन . ए  रिपोर्ट ग्राह्य धरण्यात आले व त्याप्रमाणे  युक्तीवाद केला .   पैरवी अधिकारी पोलीस हवालदार चंद्रकांत भवरे यांनी साक्षदारांना  हजर करून मोलाची कामगिरी केली. साक्षपुरावे व युक्तिवाद ऐकल्यानन्तर अतिरिक्त सत्र न्यायधीश मृदुला भाटिया यांनी आरोपीस  मरेपर्यंत आजन्म कारावास व  ५० हजार रुपयांचा दंड ठोठावला आहे . 



  Print






News - Wardha | Posted : 2018-12-13






Related Photos