एसडीओंच्या आदेशानंतर ‘त्या’ मुलीचे पुरलेले प्रेत काढून शवविच्छेदन


- कस्तुरबा रूग्णालयातील वैद्यकीय चमू दाखल
विदर्भ न्यूज एक्सप्रेस
जिल्हा प्रतिनिधी / वर्धा :
मृत झालेल्या बालिकेवर सावंगी येथील आचार्य विनोबा भावे रूग्णालयात तीन दिवस उपचार केल्याचा आरोप करीत बालिकेच्या पालकाने पोलिसात केलेल्या तक्रारीतून करीत फौजदारी गुन्हा दाखल करण्याची मागणी केली होती. यानंतर उपविभागीय अधिकाऱ्यांनी मृत मुलीचे पुरलेले प्रेत बाहेर काढून शवविच्छेदन करण्याचे आदेश दिले. यामुळे पुरलेले प्रेत बाहेर काढून शवविच्छेदन करण्यात येत असून कस्तुरबा रूग्णालयातील चार वैद्यकीय अधिकाऱ्यांची चमू दाखल झाली आहे. मुलीचे प्रेत बोरगाव मेघे येथील स्मशानभूमीत पुरण्यात आले होते.
  वेदांती देवराव बारसकर या सात वर्षीय मुलीला ताप आला होता.  यामुळे तिला बालरोग तज्ञ डाॅ. तळवेकर यांच्या सिध्दी विनायक रूग्णालयात उपचारासाठी नेण्यात आले. डाॅ. तळवेकर यांनी डाॅ. सचिन पावडे यांच्या रूग्णालयात भरती करा असा रेफर कार्ड दिला. त्यानुसार वेदांतीच्या पालकांनी १८ नोव्हेंबर रोजी वेदांती हिला डाॅ. पावडे यांच्या रूग्णालयात भरती केले. डाॅ. पावडे यांच्या रूग्णालयातील पर्यवेक्षकाने वेदांतीवर उपचार केले.  वेदांती रूग्णालयात पायी गेली होती, असे पालकांचे म्हणणे आहे. मात्र ती १५  मिनीटातच निपचित पडली. यानंतर डाॅ. तळवेकर यांनी तिला सावंगी येथील विनोबा भावे ग्रामीण रूग्णालयात नेण्याचा सल्ला दिला. तोपर्यंत वेदांतीचा मृत्यू झाला होता. मृत अवस्थेत वेदांतीला रूग्णवाहिकेद्वारे डाॅ. तळवेकर यांनी सावंगी येथे पाठविले. डाॅ. तळवेकर यांनी सावंगी रूग्णालयातील डाॅ. मेश्राम व डाॅ. रेवत यांच्याशी संगनमत करून वेदांतीला ३ दिवस भरती करून ठेवले. यानंतर पालकांची समजूत काढून २० नोव्हेंबर रोजी वेदांतीचे प्रेत पालकांच्या हाती दिले, असे पोलिसात दिलेल्या तक्रारीत म्हटले आहे. सावंगी रूग्णालय व्यवस्थापनाने डाॅ. तळवेकर यांचे हितसंबंध लक्षात घेवून त्यांना सुरक्षित करण्यासाठी वेदांतीच्या मृत शरीरावर उपचार केले. तसेच शवविच्छेदन न करता त्वरीत अंत्यसंस्कार करून टाकण्याचा सल्ला दिला. यामुळे डाॅ. तळवेकर, कंपाउंडर अक्षय खेवले, सावंगी रूग्णालयातील डाॅ. रेवत, डाॅ. मेश्राम यांच्यावर फौजदारी कारवाई करण्यात यावी, जमिनीत पुरलेले प्रेत काढून शवविच्छेदन करण्यात यावे, अशी मागणी देवराव बारसकर यांनी केली होती.  यामुळे आता प्रेताचे शवविच्छेदन करण्यात येणार असून  कस्तुरबा रूग्णालयातील डॉ. प्रकाश झोपाटे, डॉ. मनीष जैन, डॉ. शर्जील खान, डॉ. भरत पाटील, सुहास लोहकरे यांची चमू दाखल झाली आहे. यामुळे या प्रकणाला वेगळे वळण लागण्याची चिन्हे आहेत. 



  Print






News - Wardha | Posted : 2018-11-26






Related Photos