महत्वाच्या बातम्या

दुचाकी अपघातात विवाहित बहिणीचा मृत्यू : भावावर सदोष मनुष्यवधाचा गुन्हा दाखल

विदर्भ न्यूज एक्सप्रेस

वृत्तसंस्था / धुळे : धुळे शहरातील पश्चिम देवपूर पोलीस ठाण्याच्या हद्दीतील निमडाळे गावाजवळ एक हृदयद्रावक दुचाकी अपघात घडला. या अपघातात पाठीमागे बसलेल्या विवाहित बहिणीचा दुर्दैवी मृत्यू झाला. अपघात घडण्याचे कारण म्हणजे दुचाकी चालवणाऱ्या भावाच्या डोळ्यात अचानक धूळ गेली, ज्यामुळे त्याचे गाडीवरील नियंत्रण सुटले आणि दुचाकी घसरली. या प्रकरणी पोलिसांनी दुचाकी चालकावर सदोष मनुष्यवधाचा गुन्हा दाखल केला आहे.

अपघाताचा तपशील -

लामकाणी येथील रहिवाशी दुर्गेश सुनील बाविस्कर (वय २४) २० नोव्हेंबर रोजी दुपारी त्याची विवाहित बहिण नेहा मयूर कोठावदे (वय २५) हिला घेऊन एमएच-१८-सीएच-४२२४ या दुचाकीवरून प्रवास करत होते. ते निमडाळे गावाजवळ पोहोचल्यावर अचानक दुर्गेशच्या डोळ्यात धूळ गेली. धुळीमुळे रस्ता स्पष्ट न दिसल्यामुळे त्याचे दुचाकीवरील नियंत्रण सुटले आणि दुचाकी घसरली. या अपघातात नेहा कोठावदे गंभीरपणे जखमी झाल्या.

उपचारादरम्यान बहिणीचा मृत्यू -

नेहाला तातडीने उपचारासाठी जवळच्या रुग्णालयात दाखल करण्यात आले, पण उपचार सुरू असतानाच तिचा दुर्दैवी मृत्यू झाला. या घटनेने बाविस्कर आणि कोठावदे कुटुंबावर शोककळा पसरली आहे.

सदोष मनुष्यवधाचा गुन्हा दाखल -

घटनेनंतर, साहिल प्रवीण बाविस्कर यांनी पश्चिम देवपूर पोलिस ठाण्यात तक्रार दाखल केली. तक्रारीनुसार, पोलिसांनी दुचाकी चालवणाऱ्या दुर्गेश सुनील बाविस्कर याच्याविरुद्ध सदोष मनुष्यवध आणि इतर संबंधित कलमांखाली गुन्हा दाखल केला आहे. पोलिसांनी तपास सुरू केला आहे.

दुसरी दुचाकी अपघाताची घटना -

२२ नोव्हेंबर रोजी जळगावातही एक दुचाकी अपघात घडला. रामेश्वर कॉलनीत गणेश प्रकाश गोनटे (वय ४५) यांना दुचाकी चालवताना अचानक चक्कर येऊन पडले. त्यांना तातडीने शासकीय रुग्णालयात दाखल केले, मात्र डॉक्टरांनी त्यांना मयत घोषित केले. या प्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.