समाजांनी संघटीत राहून सामाजिक कार्य करावे : पालकमंत्री ना. आत्राम


- अहेरीत धम्मचक्र प्रवर्तन दिन कार्यक्रम 
विदर्भ न्यूज एक्सप्रेस 
विशेष प्रतिनिधी / अहेरी :
समाजातील लोकांनी गटा-तटात विभागून न राहता एकसंघ राहावे. समाज संघटीत असेल तरच आपण सामाजिक कामे मोठ्या प्रमाणात केली जातील. बाबासाहेबांनी दिलेल्या "शिका, संघटीत व्हा व संघर्ष करा" या मुलमंत्रानूसार आपण आचरण ठेवायला हवे. आपल्या मुलांना चांगले शिक्षण द्या. समाजाने संघटीत राहून संघर्ष करावा. गौतम बुद्धानी दिलेल्या बौद्ध धम्मातील त्रिशरण,पंचशिल व अष्टांग मार्ग यातून शुद्धआचरन ठेवून चांगले जीवन जगा, असे प्रतिपादन राज्याचे आदिवासी विकास, वन राज्यमंत्री तथा गडचिरोली जिल्ह्याचे पालकमंत्री ना. राजे अम्ब्रीशराव महाराज आत्राम यांनी केले. 
१४ आॅक्टोबर १९५६ हा दलितांसाठी नवा मार्ग, नवी दिशा देणारा दिवस. या दिवशी डॉ. बाबासाहेब आंबेडकर यांनी लाखो दलितांना धम्मदिक्षा देउन नागपूरच्या दिक्षाभुमीवर धम्मपरिवर्तन केले होते. सामाजिक जाणिवेतून महामानवाचे पांग फेडण्याच्या उद्देश्याने दरवर्षी संपुर्ण जगात धम्मचक्र प्रवर्तन दिन मोठ्या उत्साहात साजरा केला जातो. याच दिनाचे औचित्य साधून अहेरी येथील इंदिरानगर मधील धम्म दिक्षाभुमीवर धम्मचक्र प्रवर्तन दिन मोठ्या उत्साहात साजरा करण्यात आला. याप्रसंगी उद्घाटक म्हणून ना. आत्राम बोलत होते. 
  कार्यक्रमाच्या अध्यक्षस्थानी जगदिश बद्रे   होते. भगवान गौतम बुद्ध व डाॅ. बाबासाहेब आंबेडकर यांचे प्रतिमेसमोर दिप प्रज्वलन व माला अर्पण करुन  पालकमंत्री राजे अम्ब्रीशराव  महाराज यांनी कार्यक्रमाचे उदघाटन् केले. प्रमुख अतिथी म्हणून गौतम मेश्राम, जि.प.उपाध्यक्ष अजय कंकडालवार, प्रा.निरज खोब्रागडे, प्रा.विजय खोंडे, प्रा.डाॅ.जगदिश राठोड आदी उपस्थित होते.  
केंद्र व राज्य सरकार अनुजाती व जमातीच्या कल्याणासाठी अनेक योजना राबवित आहेत.   त्याचा आपण सर्वांनी लाभ घ्यावा. आपण या भुमीवर बुद्ध विहाराचे बांधकाम व इतर कामासाठी मदत करु असे आश्वासन पालकमंत्री राजे अम्ब्रीशराव महाराज यांनी दीले.
 बुद्ध धम्म व बाबासाहेबांचे कार्य तसेच आज आपल्या समोर उभ्या असलेल्या समस्या या विषयी गौतम मेश्राम, जगदीश बद्रे व अजय कंकडालवार यांनी मार्गदर्शन केले. यावेळी समाजाच्या कल्याणासाठी उत्कृष्ट काम करणाऱ्या  उपासक व उपासीका यांचा गौरव करण्यात आला. कार्यक्रमाचे प्रास्ताविक सहसचिव सुरेश अलोने, संचालन आनंद अलोने यांनी केले तर उपस्थितांचे आभार कीशोर शंभरकर यांनी मानले. कार्यक्रमाच्या यशस्वीतेसाठी बौद्ध उपासीका व उपासक यांचे सहकार्य मिळाले .या कार्यक्रमाला अहेरी उपविभागातील पाचही तालुक्यातील जनता उपस्थित  होती.
 याप्रसंगी परिसर आकर्षक निळ्या पताकांनी तसेच विद्युत रोशनाईने न्हावुन निघाला होता. बुध्द भीमगीतांनी परिसर उर्जामय झाला होता. सकाळपासुनच अनुयायांनी गर्दी केली होती.
 रविवारी सकाळी ९ वाजता बाबासाहेबांच्या प्रतिमेला माल्यार्पण करण्यांत आले. नंतर बुध्दवंदना घेण्यात आली. जयभीम,भारतरत्न डा आंबेडकरांचा विजय असो, जब तक सुरज चांद रहेगा, बाबा तेरा नाम रहेगा या घोषणांनी परिसर दुमदुमला होता.या जयघोषांनी उपस्थितांचे स्फूलिंग चेतविले गेले.



  Print






News - Gadchiroli | Posted : 2018-10-16






Related Photos