महत्वाच्या बातम्या

जिल्हा क्रीडा संकुल फी आकारणीबाबत आक्षेप व सूचना १० जानेवारी पर्यंत आमंत्रित

विदर्भ न्यूज एक्सप्रेस
प्रतिनिधी / चंद्रपूर : सिंथेटिक ट्रॅक फुटबॉल ग्राउंड वापराची नियमावली प्रसिद्ध करण्यात आलेली आहे. यामध्ये आकारण्यात आलेल्या फी बाबत किंवा नियमावलीतील नियमाबाबत काही हरकती आक्षेप व सूचना असल्यास खेळाडू, नागरिक, क्रीडाप्रेमी यांनी लेखी स्वरूपात १० जानेवारी २०२३ पर्यंत जिल्हा क्रीडा अधिकारी कार्यालय चंद्रपूर येथे द्याव्यात. आलेल्या सूचना जिल्हा क्रीडा संकुल समितीच्या बैठकीत ठेवून निर्णय घेण्यात येईल. तोपर्यंत कोणतीही फी तूर्त आकारण्यात येणार नाही, असे जिल्हा क्रीडा अधिकारी तथा सदस्य सचिव जिल्हा क्रीडा संकुल समिती यांनी कळविले आहे. दोन दिवसाअगोदरच जिल्ह्याचे पालकमंत्री सुधीर मुनगंटीवार यांच्या हस्ते जिल्हा क्रीडा संकुलातील ४०० मीटर सिंथेटिक ट्रॅक, फुटबॉल ग्राउंड, चेंजिग रुम व इतर क्रीडा सुविधांच्या १२ कोटी कामांचे लोकार्पण तसेच ज्येष्ठ नागरिकांना फिरण्यासाठी वॉकिंग ट्रॅकच्या ५१ लक्ष रुपये कामाचे भूमिपूजन करण्यात आले होते.