ब्रेक फेल झालेल्या ट्रकने आठ जणांना उडवले : पुण्यातील घटना


विदर्भ न्यूज एक्सप्रेस 
प्रतिनिधी / पुणे : 
स्थानिक नवले पुलावर ब्रेक फेल झालेल्या ट्रकने आठ जणांना उडवल्याची घटना आज सोमवारी दुपारी घडली. जखमींना नवले रुग्णालयात उपचारार्थ दाखल केले असून यातील तीन जणांची प्रकृती गंभीर असल्याचे समजते.
तामिळनाडूची पासिंग असलेले ट्रक मुंबईच्या दिशेने जात होते. नवीन कात्रज बोगदा ते नवले पूल यादरम्यान ट्रकचा ब्रेक फेल झाला. यानंतर भरधाव ट्रकने आठ जणांना उडवले. ट्रकच्या धडकेत १ दुचाकी, १ आयशर, २ कार आणि २ रिक्षांचे नुकसान झाले. जखमींपैकी एक महिला व दोन पुरुषांची प्रकृती गंभीर असल्याचे समजते. हे ट्रक नारळ घेऊन मुंबईला जात होते. या अपघातामुळे नवले पूलकडे येणाऱ्या मार्गांवर वाहतूक कोंडी झाली होती.



  Print






News - Rajy | Posted : 2018-10-08






Related Photos