महत्वाच्या बातम्या

 गोंडवाना सैनिकी विद्यालयात संत गाडगेबाबा पुण्यतिथी निमित्त अभिवादन


विदर्भ न्यूज एक्सप्रेस 
प्रतिनिधी / गडचिरोली : स्थानिक गोंडवाना सैनिकी विद्यालयात येथे संत गाडगेबाबा पुण्यतिथी निमित्त अभिवादन करण्यात आले. कार्यक्रमाचया सुरुवातीला प्राचार्य संजीव गोसावी यांच्या हस्ते थोर समाजसुधारक संत गाडगेबाबा प्रतिमेला माल्यार्पन करुन दिपप्रज्वलित करुन त्यांच्या  पुण्यतिथी निमित्त अभिवादन करण्यात आले.  प्रसंगी अंधश्रद्धा व अस्वच्छताने गुरफटलेल्या समाजाला ज्यांनी आपल्या किर्तनाच्या माध्यमाने जागृत करण्याचा काम ज्या महापुरुषानी केले त्यांच्याबद्दल गावी तेवढी थोरवी कमीच आहे, कुठलाही काम केल्याने कोणीच लहान होत नसतो.
गाडगेबाबांनी ११ फेब्रुवारी १९०५ रोजी घरादाराचा त्याग करून संन्यास स्वीकारला. त्यांनी तीर्थाटन केले, अनेक ठिकाणी भ्रमण केले. वनवासातही त्यांनी लोकसेवेचे व्रत सोडले नाही. कोठे कोणी अडचणीत सापडलेला असल्यास त्याला आपण होऊन मदत करायला धावायचे, मदत करून कोणत्याही फळाची अपेक्षा न ठेवता आपल्या वाटेने निघून जायचे हा त्यांचा खाक्या असायचा. ते सतत एक खराटा जवळ बाळगायचे.
अंगावर गोधडीवजा फाटके तुकडे कपडे आणि हातात एक फुटके गाडगे असा त्यांचा वेश असे. त्यामुळेच लोक त्यांना गाडगेबाबा म्हणू लागले.
शिवाय ते ज्या गावात जात तो गाव झाडून स्वच्छ करीत. सार्वजनिक स्वच्छता, अंधश्रद्धा निर्मूलन ही तत्त्वे समाजात रुजविण्यासाठी त्यांनी स्वतः सातत्याने सक्रिय राहून जिवापाड प्रयत्न केले. समाजातील अज्ञान, अंधश्रद्धा, भोळ्या समजुती, अनिष्ट रूढी-परंपरा दूर करण्यासाठी स्वतःचे संपूर्ण आयष्य वेचले. यासाठी त्यांनी कीर्तनाच्या मार्गाचा अवलंब केला. आपल्या कीर्तनात ते श्रोत्यांनाच विविध प्रश्न विचारून त्यांना त्यांच्या अज्ञानाची, दुर्गुण व दोषांची जाणीव करून देत असत. त्यांचे उपदेशही साधे सोपे असत. चोरी करू नका, सावकाराकडून कर्ज काढू नका, व्यसनांच्या आहारी जाऊ नका, देवा-धर्माच्या नावाखाली प्राण्यांची हत्या करू नका, जातिभेद व अस्पृश्यता पाळू नका असे ते आपल्या कीर्तनातून सांगत. देव दगडात नसून तो माणसांत आहे, हे त्यांनी सर्वसामान्यांच्या मनावर ठसविण्याचा प्रयत्न केला. आपणही त्यांनी दाखविलेल्या मार्गावर चालायला पहिजे, असे मत प्राचार्य संजीव गोसवि यांनी केले.
कार्यक्रमाचे प्रमुख पाहुणे म्हनुन शाहिद शेख, रहिम पटेल, शंकर दासरवार, आनंद चौधरी, गजानन अनमुलवार, युवराज पुस्तोदे हे होते. कार्यक्रमाला सर्व शिक्षक व शिक्षकेत्तर कर्मचारी उपस्थित होते.





  Print






News - Gadchiroli




Related Photos