महत्वाच्या बातम्या

गोंडपिपरीत निघाला भारतीय बौद्ध महासभेचा निषेध मोर्चा

- विविध पक्ष व संघटनांचा जाहीर पाठिंबा

विदर्भ न्यूज एक्सप्रेस

प्रतिनिधी / गोंडपिपरी : महाराष्ट्र राज्याचे उच्च व तंत्र शिक्षण मंत्री चंद्रकांत पाटील यांनी संभाजी नगर येथील कार्यक्रमात महापुरुषांनी भीक मागून शाळा सुरू केल्याचे बेताल वक्तव्य केल्याने देशवाशीयांच्या भावना दुखावल्या त्यामुळे त्यांनी केलेल्या बेताल व आक्षेपार्ह विधानाच्या विरोधात १४ डिसेंबर २०२२ दुपारी १.०० वाजता गांधी चौक,जुना बस स्टँड गोंडपीपरी येथे भारतीय बौद्ध महासभेच्या वतीने निषेध आंदोलन करून तहसील कार्यालयावर मोर्चा काढण्यात आला.

भारतीय राज्यघटनेचे शिल्पकार महामानव डॉ.बाबासाहेब आंबेडकर, क्रांतिसूर्य महात्मा ज्योतिबा फुले आणि कर्मवीर भाऊराव पाटील या महापुरुषांच्या विरोधात आक्षेपार्ह व बेताल विधान करून राज्यातील व देशातील ऐक्य ,एकात्मता व सामाजिक तेढ निर्माण करण्याचा प्रयत्न केला असल्याने हे वक्तव्य देशविघातक व देशद्रोही असून घटनेतील तरतुदींचे उल्लंघन करणारे आहे. त्यामुळे त्याच्यावर कायदेशीर कारवाई करण्यात यावी. त्याने आपली नैतिक जबाबदारी स्वीकारून राजीनामा द्यावा, समता सैनिक दलाच्या कार्यकर्त्यांवर लावण्यात आलेला गुन्हा मागे घेण्यात यावा, प्रकरणी निरपराधी असलेल्या पोलीस बांधवांचे निलंबन मागे घेण्यात यावे, मागण्यांना घेऊन तहसीलदार मार्फत राज्याचे राज्यपाल तसेच मुख्यमंत्री यांना निवेदन देण्यात आले.

आयोजित निषेध आंदोलनात गोंडपीपरी तालुक्यातील समस्त आंबेडकरी जनतेनी, राजकीय पक्षांनी तसेच सामाजिक संघटनांनी सहभाग दर्शवून घटनेचा निषेध नोंदवला.सादर मोर्चाचे आयोजन हे भारतीय बौद्ध महासभा तालुका गोंडपिपरी मार्फत करण्यात आले असून यात भारतीय राष्ट्रीय कांग्रेस,राष्ट्रवादी कांग्रेस,वंचित बहुजन आघाडी, शिवसेना या राजकीय पक्षांनी सुद्धा पाठिंबा दर्शविला होता.