महत्वाच्या बातम्या

 सात दिवसात शाळेला शिक्षक न दिल्यास शाळेला कुलुप ठोकुण बंद करणार 


- सिंदवाही तालुक्यातील पेंढरी (कोकेवाडा) जी. प. शाळा येथील प्रकार

- शाळा व्यवस्थापन समिती व गावकरी यांची निवेदनाद्वारे मागणी

विदर्भ न्यूज एक्सप्रेस 
तालुका प्रतिनिधी / सिंदवाही : तालुक्यातील पेंढ़री (कोकेवाड़ा) येथे वर्ग १ ते ७ पर्यंत जिल्हा परीषद उच्च प्राथमिक शाळा कार्यरत असुन गावातील व परीसरातील गावातील जवळपास १८३ विद्यार्थी येथे विद्यादान घेत असुन त्यांच्या शिक्षणासाठी शिक्षण देणारे शिक्षक कमी आहेत. विद्यार्थी पटसंख्ये नुसार ४ सहाय्यक शिक्षक २ विषय शिक्षक व १ मुख्याध्यापक असे ७ पदे मंजुर आहेत. दोन वर्षापासुन एका सहा शिक्षकांचे पद येथे रीक्त आहे. तरीपण बाकी शिक्षक हे यांची भरपाई भरुन काढत होते आणी शिक्षण देत होते. ७ सप्टेंबर २०२२ ला मनोज मानकर विषय शिक्षक ( विज्ञान ) यांची जिल्हा बदली झाली. त्यामुळे ते नागपूर येथे बदली होवून गेले आणी आता त्यांच्या बदली मुळे वर्ग ६ व ७ ला फक्त एकच शिक्षक कार्यरत राहीले. त्यामुळे या विद्यार्थ्याचे मोठ्या प्रमाणात शैक्षणीक नुकसान होत आहे. कारण एकच शिक्षक दोन वर्ग कसे काय सांभाळणार. यापूर्वी २० ऑक्टोबर २०२२ ला ललीता लोहबरे यांची नियुक्ती केली होती. पण परत त्याना जुन्या त्यांचे शाळेत वापस बोलावण्यात आले. त्यामुळे शाळेत मुलांचे शैक्षणिक नुकसान होत असल्याचे पालकानी व शाळा व्यवस्थापन समितीचे लक्षात आले आहे. ही मुलाच्या भवितव्याची बाब हेरुण येथील शाळा व्यवस्थापन समिती सर्व पदाधीकारी व गावकरी जनतेनी सिंदेवाही तालुका संवर्ग विकास अधिकारी व गट शिक्षण अधिकारी यांना निवेदन दिले आहे. की आम्हाला आमच्या शाळेत सात दिवसात शिक्षकांचे पद दयावे अन्यथा शाळाला कुलुप ठोकुन शाळा बंद करु असा सज्जड दम भरला आहे. अधिकारी वर्ग यावर काय निर्णय घेतात याकडे पेंढरी वासीय जनतेचे लक्ष लागले आहे.





  Print






News - Chandrapur




Related Photos