Petrol Price
दिवाळीच्या साफसफाईदरम्यान विजेचा धक्का : इसमाचा दुर्दैवी मृत्यू
- तुमसर तालुक्यातील तुडका येथील घटना; उपजिल्हा रुग्णालयात उपचारादरम्यान प्राणज्योत मालवली
विदर्भ न्यूज एक्सपरीस
प्रतिनिधी / भंडारा : दिवाळी सणानिमित्त घराची साफसफाई करीत असताना विद्युत प्रवाहाचा जोरदार धक्का लागल्याने एका इसमाचा दुर्दैवी मृत्यू झाल्याची घटना तुमसर तालुक्यातील तुडका येथे ५ नोव्हेंबर रोजी घडली. दिनयकुमार तिवारी असे मृताचे नाव आहे. या घटनेमुळे परिसरात हळहळ व्यक्त केली जात आहे.
मिळालेल्या माहितीनुसार, विजय तिवारी (५६) यांचे मेहुणे दिनयकुमार तिवारी हे दिवाळी सणाच्या पार्श्वभूमीवर घराच्या छपरीमध्ये साफसफाई करीत होते. यावेळी अचानक त्यांचा इलेक्ट्रिक वायरला स्पर्श झाला. त्यामुळे त्यांना विजेचा जोरदार धक्का बसला. या घटनेनंतर त्यांना तातडीने उपचारासाठी तुमसर येथील उपजिल्हा रुग्णालयात दाखल करण्यात आले.
मात्र, डॉक्टरांच्या प्रयत्नांनंतरही ५ नोव्हेंबर रोजी दुपारी ३ वाजताच्या सुमारास त्यांचा मृत्यू झाला. दिवाळीच्या सणासाठी घराची साफसफाई सुरू असतानाच घडलेल्या या दुर्दैवी घटनेमुळे तिवारी कुटुंबावर दुःखाचा डोंगर कोसळला आहे.
दरम्यान, या घटनेची नोंद तुमसर पोलीस ठाण्यात आकस्मिक मृत्यू (मर्ग) म्हणून करण्यात आली आहे. पुढील तपास पोलीस हवालदार प्रफल्ल गावंडे करीत आहेत.
 यांचे मेहुणे दिनयकुमार तिवारी हे दिवाळी सणाच्या पार्श्वभूमीवर घराच्या छपरीमध्ये साफसफाई करीत होते. यावेळी अचानक त्यांचा इलेक्ट्रिक वायरला स्पर्श झाला. त्यामुळे त्यांना विजेचा जोरदार धक्का बसला. या घटनेनंतर त्यांना तातडीने उपचारासाठी तुमसर येथील उपजिल्हा रुग्णालयात दाखल करण्यात आले.मात्र, डॉक्टरांच्या प्रयत्नांनंतरही ५ नोव्हेंबर रोजी दुपारी ३ वाजताच्या सुमारास त्यांचा मृत्यू झाला. दिवाळीच्या सणासाठी घराची साफसफाई सुरू असतानाच घडलेल्या या दुर्दैवी घटनेमुळे तिवारी कुटुंबावर दुःखाचा डोंगर कोसळला आहे.दरम्यान, या घटनेची नोंद तुमसर पोलीस ठाण्यात आकस्मिक मृत्यू (मर्ग) म्हणून करण्यात आली आहे. पुढील तपास पोलीस हवालदार प्रफल्ल गावंडे करीत आहेत.)
