Petrol Price
शटर वाकवून रेडीमेड दुकानात चोरी : १० हजारांची रोकड लंपास
विदर्भ न्यूज एक्सप्रेस
तालुका प्रतिनिधी / बल्लारपूर : शहरातील बालाजी वॉर्ड परिसरातील रेडीमेड कपड्याच्या दुकानाचे शटर वाकवून अज्ञात चोरट्याने दुकानात प्रवेश करून १० हजार रुपयांची रोकड चोरी केल्याची घटना २६ ऑगस्ट रोजी सकाळी उघडकीस आली.
गोविंद वेळाम्मल आहुजा ६० हे व्यंकटेश एम्पायर बिल्डिंग, बालाजी वॉर्ड येथे शंकर होजियरी नावाने रेडीमेड कपड्याचे दुकान चालवितात. २५ ऑगस्ट रोजी रात्री सुमारे ९ वाजता त्यांनी दुकान बंद करून घरी गेले. त्यावेळी दुकानाच्या काउंटरमध्ये १० हजार रुपये रोख ठेवले होते.
२६ ऑगस्ट रोजी सकाळी दुकानाशेजारील पानठेला चालक यांनी दुकानाचे शटर उघडे असल्याची माहिती आहुजा यांना दिली. त्यानंतर त्यांनी दुकानात जाऊन पाहणी केली असता उजव्या बाजूचे शटर वाकवून वर उचललेले दिसून आले. काउंटरमध्ये ठेवलेली १० हजार रुपयांची रोकडही चोरीला गेल्याचे आढळून आले.
अज्ञात चोरट्याने २५ ऑगस्ट रोजी रात्री ९ वाजल्यापासून २६ ऑगस्ट रोजी सकाळी ६.३० वाजेपर्यंतच्या काळात शटर वाकवून दुकानात प्रवेश केला आणि काउंटरमधील १० हजार रुपयांची रोकड चोरी केली. या प्रकरणी बल्लारपूर पोलिसांनी अज्ञात चोरट्याविरुद्ध गुन्हा नोंदविला असून, पुढील तपास पोलीस करीत आहेत.
