महत्वाच्या बातम्या

गृहभेटीद्वारे ५०५ मतदारांचे पोस्टल मतपत्रिकेव्दारे मतदान

विदर्भ न्यूज एक्सप्रेस

प्रतिनिधी / वर्धा : भारत निवडणूक आयोगाच्या निर्देशानुसार 08 वर्धा लोकसभा मतदारसंघांसाठी 12 डी नमूना भरून दिलेल्या दिव्यांग आणि 85 वर्षावरील मतदारांचे पोस्टल मतपत्रिकेव्दारे मतदान प्रक्रिया सुरू झाली. काल 13 एप्रिल रोजी 505 मतदारांनी पोस्टल मतपत्रिकेव्दारे गृह मतदानाचा हक्क बजावला. त्यात दिव्यांग 112, तर 85 वर्षावरील 393 मतदारांचा समावेश आहे.

भारत निवडणूक आयोगाच्या निर्देशानुसार लोकसभा सार्वत्रिक निवडणुकीत पहिल्यांदाच दिव्यांग आणि 85 वर्षावरील मतदारांना गृह मतदानाची सोय उपलब्ध करुन देण्यात आली असून ज्या दिव्यांग आणि 85 वर्षावरील मतदारांनी 12 डी नमुना भरुन दिला आहे. त्यांनाच 12 एप्रिल 2024 पासून गृह भेटीव्दारे मतदान प्रक्रिया सुरू झाली असून वर्धा लोकसभा मतदार संघात एकूण 1 हजार 635 मतदार गृहभेटीद्वारे मतदानाचा हक्क बजावणार आहेत.

काल 13 एप्रिल 2024 रोजी झालेल्या मतदानाची विधानसभा निहाय आकडेवारी पुढील प्रमाणे आहे.

36- धामणगाव (रेल्वे) विधानसभा मतदार संघात 85 वर्षावरील 269 मतदार आणि 53 दिव्यांग मतदार यांनी 12 डी नमुना भरून दिला असून असे एकूण दोन्ही मिळून 322 मतदार गृह भेटीद्वारे मतदानासाठी पात्र ठरले. 13 एप्रिल 2024 रोजी 85 वर्षावरील 48 आणि 14 दिव्यांग मतदार असे एकूण 62 मतदारांनी पोस्टल बॅलेटद्वारे मतदान केले.

47- वर्धा विधानसभा मतदार संघात 85 वर्षावरील 261 आणि 34 दिव्यांग मतदार यांनी 12 डी नमुना भरून दिला असून असे एकूण दोन्ही मिळून 295 मतदार गृह भेटीद्वारे मतदानासाठी पात्र ठरले. 13 एप्रिल 2024 रोजी 85 वर्षावरील 62 आणि 6 दिव्यांग मतदार असे एकूण 68 मतदारांनी पोस्टल बॅलेटद्वारे मतदान केले.

46- हिंगणघाट विधानसभा मतदार संघात 85 वर्षावरील 165 आणि 41 दिव्यांग मतदार यांनी 12 डी नमुना भरून दिला असून असे एकूण दोन्ही मिळून 206 मतदार गृह भेटीद्वारे मतदानासाठी पात्र ठरले. 13 एप्रिल 2024 रोजी 85 वर्षावरील 66 आणि 28 दिव्यांग मतदार असे एकूण 94 मतदारांनी पोस्टल बॅलेटद्वारे मतदान केले.

45- देवळी विधानसभा मतदार संघात 85 वर्षावरील 178 आणि 57 दिव्यांग मतदार यांनी 12 डी नमुना भरून दिला असून असे एकूण दोन्ही मिळून 235 मतदार गृह भेटीद्वारे मतदानासाठी पात्र ठरले. 13 एप्रिल 2024 रोजी 85 वर्षावरील 85 आणि 21 दिव्यांग मतदार असे एकूण 106 मतदारांनी पोस्टल बॅलेटद्वारे मतदान केले.

43- मोर्शी विधानसभा मतदार संघात 85 वर्षावरील 285 आणि 27 दिव्यांग मतदार यांनी 12 डी नमुना भरून दिला असून असे एकूण दोन्ही मिळून 312 मतदार गृह भेटीद्वारे मतदानासाठी पात्र ठरले. 13 एप्रिल 2024 रोजी 85 वर्षावरील 46 आणि 6 दिव्यांग मतदार असे एकूण 52 मतदारांनी पोस्टल बॅलेटद्वारे मतदान केले.

44 आर्वी विधानसभा मतदार संघात 85 वर्षावरील 177 आणि 88 दिव्यांग मतदार यांनी 12 डी नमुना भरून दिला असून असे एकूण दोन्ही मिळून 265 मतदार गृह भेटीद्वारे मतदानासाठी पात्र ठरले. 13 एप्रिल 2024 रोजी 85 वर्षावरील 86 आणि 37 दिव्यांग मतदार असे एकूण 123 मतदारांनी पोस्टल बॅलेटद्वारे मतदान केले.