महत्वाच्या बातम्या

देसाईगंज शहरातील सर्व वार्डातील रस्ते बनवा अन्यथा आंदोलन छेडण्याचा इशारा : अनिल साधवानी

विदर्भ न्यूज एक्सप्रेस

तालुका प्रतिनिधी / देसाईगंज : शहरातील आज जवळपास सर्व वॉर्डातील सिमेंट काँक्रीटचे रस्ते तसेच त्यांचा बरोबर नालीचे बांधकाम झाले आहे. मात्र, शहरातील सिंधी कॉलनी व कन्नमवार वॉर्डातील नंदनवन कॉलनीत मुलभूत सुविधा अद्यापही पोहोचले नाहीत. त्यामुळे या वॉर्डाकडे लक्ष देऊन रस्त्याची कामे व सुविधा उपलब्ध करून द्यावा, अन्यथा आंदोलन छेडण्याचा इशारा अनिल साधवानी यांनी दिला आहे. शहरातील माता वॉर्ड, आंबेडकर वॉर्ड, भगतसिंग वॉर्ड, जुनी वडसा वॉर्ड, राजेंद्र वॉर्ड, कस्तुरबा वॉर्ड, किदवाई वॉर्ड या वॉर्डात अतिशय कमी रुंदीचे रस्ते आहेत. आणि या वॉर्डातील बऱ्याच रस्त्यांची रुंदी कमी असल्यामुळे या रस्त्यावरून चारचाकी वाहन, मालवाहक वाहन जातच नाही. तरी देखील या सर्व वॉर्डातील कमी रस्त्यांना सुद्धा सिमेंट काँक्रीट बनविले आहे. हे या वॉर्डींचा नगरसेवकांची चांगली कामगिरीच मानावी लागेल की, त्यांनी या कमी रुंदीचा रस्त्यांना देखील सिमेंट काँक्रीटचे बनवून वॉर्डातील लोकांसाठी कौतुकास्पद कार्य केले आहे.

आदर्श शाळेजवळून माता वॉर्डाकडे जाणाऱ्या रस्त्यावरून वाहनांचे आगमन कमी असते. तरीदेखील या रस्त्यावर लाखो रुपये खर्च करून रस्त्याचे काम करण्यात आले आहे. नगरपरिषद प्रशासनाला शहरात सर्वात जास्त कर देणाऱ्या सिंधी कॉलनीकडे नेहमीच दुर्लक्ष का केले जाते? सिंधी कॉलनीत बऱ्याच वर्षांपासून एकही विकासाचे काम दिसत नाही. येथे मागील १० वर्षात ना रस्ते, ना नाली, ना स्वच्छता तर नुकताच झालेल्या पावसामुळे सिंधी कॉलनीतील डांबर रस्त्यांची अवस्था अतिशय दयनीय झाली आहे. येथील रस्त्यात खड्डे आहेत कि खड्ड्यात रस्ता हा प्रश्न जनतेला निर्माण झाला आहे. कन्नमवार वॉर्डातील नंदनवन कॉलनीत २२ वर्षांपासून लोक राहत आहेत. या कॉलनीतील लोकांकडून किती तरी वर्षांपासून नगरपरिषदेकडून कर प्रशासनाकडून आकारणी केली जाते. पण अद्यापही इथे मूलभूत सुविधा प्रशासनाकडून. दिली जात नाही. म्हणून या वॉर्डातील लोकांमध्ये प्रचंड असंतोष निर्माण झाला आहे. वॉर्डात कुठलेही काम न झाल्यामुळे येणाऱ्या निवडणुकीवर बहिष्कार टाकण्याचा निर्णय वॉर्डातील लोकांनी घेतला आहे. शहरात नागपूर, ब्रम्हपुरीकडून, कुरखेडा, आरमोरी, गडचिरोलीकडे जाण्यासाठी मालवाहक वाहनांना एकमेव मार्ग म्हणजे ब्रम्हपुरी बायपास रोड आहे. जाण्यासाठी मालवाहक या मार्गावरून जाणाऱ्या जड वाहनांसाठी पर्यायी मार्ग जो आंबेडकर शाळेजवळून आहे. तो अतिशय दुर्गवस्तेत असून धोकादायक झाला आहे. तिथे बरेच अपघात देखील झाले आहेत. तरी या रस्त्याचा कामाला गती देऊन लवकरात लवकर पूर्ण करावे, अशी मागणी अनिल साधवानी यांनी निवेदनातून केली आहे.