Petrol Price
जिल्हाधिकारी कार्यालयात २ नोव्हेंबर रोजी लोकशाही दिन
विदर्भ न्यूज एक्सप्रेस
प्रतिनिधी / नागपूर : जिल्हाधिकारी कार्यालयातील छत्रपती सभागृहात सोमवार, २ नोव्हेंबर रोजी दुपारी १ वाजता जिल्हास्तरीय लोकशाही दिनाचे आयोजन करण्यात आले आहे. यात तालुका स्तरावरील तक्रार निवारण दिनात नोंदवलेल्या परंतु न सुटलेल्या तक्रारींवर व सुनावणी घेण्यात येणार आहे.
लोकशाही दिनासाठी नागरिक २ नोव्हेंबर रोजी दुपारी १२ वाजेपर्यंत तक्रारींचे अर्ज सादर करू शकतील. तक्रार अर्ज दाखल केलेल्या नागरिकांनी लोकशाही दिनात प्रत्यक्ष हजर राहणे आवश्यक आहे.
तक्रार वैयक्तिक स्वरूपाची असावी तसेच नागपूर महापालिका व नागपूर सुधार प्रन्यास यांच्याशी संबंधित तक्रारींसाठी त्या कार्यालयांमध्ये स्वतंत्रपणे लोकशाही दिन होत असल्याने, त्या तक्रारी संबंधित यंत्रणांकडे सादर कराव्यात, असे स्पष्ट करण्यात आले आहे.
न्यायप्रविष्ट बाबी, राजस्व किंवा अपील प्रकरणे, न्यायालयीन प्रक्रियेशी संबंधित विषय, सेवा, नोकरी व आस्थापना विषयक बाबी, कार्यालय प्रमुखांनी अंतिम उत्तरे दिलेली प्रकरणे आणि आवश्यक कागदपत्रांच्या प्रती न जोडलेले अर्ज लोकशाही दिनात स्वीकारले जाणार नसल्याची माहिती निवासी उपजिल्हाधिकारी यांनी दिली आहे.
