महत्वाच्या बातम्या

मतदान केंद्रस्तरीय अधिकारी प्रशिक्षण

विदर्भ न्युज एक्सप्रेस

प्रतिनिधी / वर्धा : वर्धा विधानसभा मतदार संघामध्ये निवडणूक आयोगाच्या निर्देशानुसार पर्यवेक्षक व मतदान केंद्रस्तरीय अधिकारी यांची बुथ लेवल अवेअरनेस करण्यासाठी तसेच आगामी सार्वत्रिक निवडणुकीच्या अनुषंगाने मतदान केंद्रस्तरीय अधिकारी यांना मतदान केंद्रावर जनजागृती करण्यासाठी उपविभागीय अधिकारी दीपक कारंडे व तहसीलदार संदीप कुंडेकर यांच्या मार्गदर्शनात प्रशिक्षण देण्यात आले.

सामाजिक न्याय भवन मध्ये प्रशिक्षण आयोजित करण्यात आले होते. या प्रशिक्षणात पर्यवेक्षक, मतदान केंद्रस्तरीय अधिकारी, ग्रामसेवक, तलाठी, मंडळ अधिकारी, कृषीसेवक, आशावर्कर, अंगणवाडी सेविका यांना प्रत्येक मतदान केंद्रावर जनजागृती समिती स्थापन करुन जनजागृती करणे. तसेच आगामी लोकसभा निवडणुकीच्या अनुषंगाने मतदान केंद्रस्तरीय अधिकारी यांचे काम, मतदान स्लीपबाबत माहिती, गैरहजर, स्थलांतरीत, मयत मतदार बाबत माहिती, मतदानाच्या दिवशी बीएलओचे कर्तव्य, मतदारांना मतदार संघात घरोघरी जाऊन मतदार स्लीप वाटप करण्याबाबत, मतदानाच्या दिवशी मतदार यादीमध्ये नावाचा शोध केंद्रावर मदत करणे. ८५ वरील मतदारांना पोस्टल बॅलेट बाबत महत्वाच्या सूचना, दिव्यांग मतदारांविषयी माहिती, क्षेत्रीय अधिकारी यांना मतदानाच्या दिवशी मदत करणे याबाबत सूचना देण्यात आल्या. प्रशिक्षणात येणाऱ्या समस्यांचे निराकरण करण्यात आले.