ग्यारापत्ती जंगल परिसरात दोन नक्षल्यांना कंठस्नान


विदर्भ न्यूज एक्सप्रेस
प्रतिनिधी / गडचिरोली :
ग्यारापत्ती पोलीस मदत केंद्रांतर्गत नरकसा जंगल परिसरात  सी - ६० पोलिस जवान आणि नक्षल्यांमध्ये झालेल्या चकमकीत दोन नक्षल्यांना कंठस्नान घालण्यात आले असल्याची माहिती प्राप्त झाली आहे. सदर घटना आज पहाटेच्या सुमारास घडली.
नरकसा जंगल परिसरात सी - ६० चे जवान नक्षलविरोधी अभियान राबवित असताना दबा धरून बसलेल्या नक्षल्यांनी पोलिस पथकाच्या दिशेने गोळीबार केला. प्रत्युत्तरादाखल पोलिस पथकानेही नक्षल्यांच्या दिशेने गोळीबार केला. या चकमकीत काही नक्षली ठार झाल्याची तसेच काही जखमी झाल्याची माहिती आहे. आतापर्यंत दोन नक्षल्यांचे मृतदेह पोलिस पथकाच्या हाती लागल्याची माहिती प्राप्त झाली आहे. 

 



  Print






News - Gadchiroli | Posted : 2019-09-15






Related Photos