महत्वाच्या बातम्या

माजी जि.प. अध्यक्ष अजय कंकडालवार यांच्या हस्ते व्हाॅलीबाॅल स्पर्धेचे उद्घाटन

- एटापल्ली तालुक्यातील पैमा येथील शाहिद बिरसा मुंडा क्लब पैमा यांच्या सौजन्याने ग्रामीण व्हाॅलीबाॅल स्पर्धेचे आयोजन

विदर्भ न्यूज एक्सप्रेस

तालुका प्रतिनिधी / एटापल्ली : तालुक्यातील आदिवासी बहुल अतिनक्षल ग्रस्त म्हणून ओळखले जाणारे पैमा येथील शाहिद बिरसा मुंडा क्लब पैमा यांच्या सौजन्याने भव्य ग्रामीण व्हाॅलीबाॅल स्पर्धेचे आयोजन केली आहे. या व्हाॅलीबाॅल स्पर्धेचे आविसं काँग्रेसचे युवा नेते व माजी जि.प. अध्यक्ष तथा अहेरी बाजार समिती सभापती अजय कंकडालवार यांच्या हस्ते उदघाटन करण्यात आले.

या कार्यक्रमाचे सह उदघाटक म्हणून वेलगुर ग्रामपंचायतचे माजी सरपंच अशोक येलमुले तर कार्यक्रमाचे अध्यक्ष म्हणून गाव भूमिया पैमा महारु तलांडे- पैमाचे माजी पोलीस पाटील बीच्चू तलांडे होते.

या व्हाॅलीबाॅल स्पर्धेसाठी प्रथम पारितोषिक माजी जि.प. अध्यक्ष तथा अहेरी बाजार समिती सभापती अजय कंकडालवार यांच्याकडून, द्वितीय पारितोषिक आदिवासी काँग्रेस आघाडीचे जिल्हा अध्यक्ष हणमंतू मडावी- एटापल्ली ग्रामसभा अध्यक्ष नंदू मट्टामी- काँग्रेस नेते एटापल्ली प्रज्वल नागूलवार- डोलेश तलांडे यांच्याकडून तर तृतीय पारितोषिक मुख्याध्यापक ओंडरे- सहशिक्षक एम.व्ही. मडावी- सहशिक्षक डी.जी. धानोरकर जि.प. प्राथमिक शाळा पैमा यांच्याकडून देण्यात येत आहे.

यावेळी विलास गावडे सरपंच बूर्गी, कार्तिक तोगम माजी उपसरपंच मरपल्ली, रेणू तलांडी, महेश बिरमवार, कल्पना तलांडे ग्रामपंचायत सदस्य बुर्गी, मारोती तलांडे, जीवन तलांडे, सामाजिक कार्यकर्ते पोच्याजी तलांडे, अनिल करमरकर, नामदेव हीचामि, मोलाजी तलांडी पोलीस पाटील, गणेश गावडे ग्रा.प. सदस्य, बाळू आत्राम उपसरपंच गुरूपल्ली, कोलुजी तलांडी, तोडसा मडावी, पुरुसु आत्राम, बोड्डा तलांडी, संतोष बुरमवर, लक्ष्मण गावडे, विमल तलांडे, प्रमोद गोडसेलवार सह परिसरातील आविसं काँग्रेसचे कार्यकर्ते तसेच गावातील नागरिक मोठ्या संख्येने उपस्थित होते.