लिंगमपल्ली येथील पोलिस पाटील नाल्याच्या प्रवाहात गेले वाहून


- शोधमोहिम सुरू 
विदर्भ न्यूज एक्सप्रेस
प्रतिनिधी / गडचिरोली :
अहेरी तालुक्यातील कमलापूर ग्रामपंचायत अंतर्गत येत असलेल्या लिंगमपल्ली येथील पोलिस पाटील रामय्या कुट्टी नेरला हे नाल्याच्या पुरात वाहून गेल्याची घटना काल रविवारी  घडली आहे. दरम्यान त्यांचा शोध घेण्यात येत आहे.
कमलापूर - रेपनपल्ली मार्गावर कमलापूर पासून ३ किमी अंतरावर एक नाला आहे. या नाल्यावर पुल नसल्यामुळे काल आलेल्या पावसामुळे पाणी वाहत होते. दरम्यान नाला ओलांडत असताना पोलिस पाटील रामय्या नेरला हे वाहून गेले. या बाबीची माहिती मिळताच कमलापूरच्या सरपंचा रजनीता मडावी तसेच नागरीकांनी घटनास्थळी धाव घेवून शोधमोहिम सुरू केली. अद्याप त्यांचा शोध लागलेला नसून शोधमोहिम सुरू असल्याची माहिती प्राप्त झाली आहे. कमलापूर परिसरातील अनेक गावांकडे जाणाऱ्या मार्गांवर छोटे - मोठे नाले आहेत. या नाल्यांवर उंच पुल नसल्यामुळे पावसाळ्यात नागरीकांना त्रास सहन करावा लागतो. रस्ते व पुलांअभावी नागरीकांना जीव गमवावा लागत आहे. यामुळे पुलांची निर्मिती करावी, रस्त्यांची दुरूस्ती करावी, अशी मागणी सरपंचा रजनिता मडावी व ग्रामस्थांनी केली आहे.

 



  Print






News - Gadchiroli | Posted : 2019-08-19






Related Photos