मुल - गडचिरोली महामार्ग चिखलमय, वाहनधारक त्रस्त


विदर्भ न्यूज एक्सप्रेस 
तालुका प्रतिनिधी / मुल :
मुल  ते गडचिरोली हा  राष्ट्रीय महामार्ग चिखलमय झाला आहे. परिणामी वाहनधारकांना मोठ्या अडचणीचा सामना करावा लागत आहे. मात्र याकडे  राष्ट्रीय महामार्ग विभागाचे दुर्लक्ष होत आहे.
 गडचिरोली ते मूल या राष्ट्रीय महामार्गाचे मागील एका वर्षापासून चौपदरीकरणाचे काम सुरू आहे. सदर मार्गाला पाहीजे त्या प्रमाणात गती मिळत नसल्याने मार्गात ठिकठिकाणी अडथळयाची शर्यत पार पाडावी लागत आहे. याचा सर्वाधिक मोठा फटका वाहनधारकांना भोगावा लागत आहे. राष्ट्रीय महामार्गाने हिवाळ्यात आणि  उन्हाळयात धुळीच्या लोटाचा त्रास सहन करायला लावले होते. आता पावसाळयात चिखलाचा त्रास सहन करायला लावत  आहे. यामुळे वाहनधारक कमालीचे त्रस्त झाले आहेत. ठिकठिकाणी अर्धवट कामे करण्यात आली असून लहानलहान पुलाचे बंाधकाम सुध्दा रखडले गेले आहे.  अर्धवट बांधकाम झालेल्या लहान पुलावरून जाताना वाहनधारकाना मोठी कसरत करावी लागत आहे.  एकीकडची वाहतूक सुरू असताना दुसरीकडील वाहतुकीला बराच वेळ पर्यंत  थांबावे लागत आहे. मुसळधार पावसामुळे रस्तावर चिखलाबरोबर खडेसुध्दा पडले आहेत. चिखल आणि खड्ड्यातून मार्ग काढताना वाहनधारकांना कमालीचा त्रास भोगावा लागत आहे.  रस्त्याचे बांधकाम करताना नियोजनाचा अभाव असल्याने जडवाहने मातीत फसल्या
जात आहे.



  Print






News - Chandrapur | Posted : 2019-08-06






Related Photos