महत्वाच्या बातम्या

६२ व्या राज्य नाट्य स्पर्धेच्या प्राथमिक फेरीत जेंडर अँन आयडेंटिटी चा डंका

विदर्भ न्यूज एक्सप्रेस
प्रतिनिधी / चंद्रपूर : ६२ व्या महाराष्ट्र राज्य हौशी मराठी नाट्य स्पर्धेच्या प्राथमिक फेरीत चंद्रपूर केंद्रावरून नवोदिता चंद्रपूर अँन आयडेंटिटी या नाटकाने निमिर्तीच्या पहिल्या पारितोषिकासह सात पारितोषिक प्राप्त करत प्रथम स्थान पटकाविले आणि अंतिम फेरीत दिमाखात प्रवेश केला.

लेखक डॉ. सोमनाथ सोनवलकर यांच्या या नाटकातून तृतीय पंथीयांच्या अस्तित्वाचे आणि त्यांच्या अधिकारांचे प्रश्न मांडण्यात आले होते.

सदर स्पर्धेत प्रशांत कक्कड यांना दिग्दर्शनाचे प्रथम पारितोषिक प्राप्त झाले तर प्रशांत मडपूवार आणि कल्याणी भट्टी यांना अनुक्रमे पुरुष आणि स्त्री गटातून उत्कृष्ट अभिनयाचे रौप्य पदक प्राप्त झाले. प्रकाश योजनेसाठी प्रथम पारितोषिक मिथुन मित्र यांना तर नेपथ्यासाठी सुशांत भांडारकर आणि सुदर्शन बारापात्रे यांना द्वितीय पारितोषिक प्राप्त झाले. रंगभूषेसाठी शुभदा कक्कड यांनी प्रथम पारितोषिक प्राप्त केले.

सुमारे ३० कलावंतांच्या समूहाने नाटक सादर केले होते. सर्वांनीच आपलापली भूमिका चोख बजावली. एखाद्या कलाकाराची छोटी एंट्री सुद्धा भाव खाऊन जात होती हे नाटकाचे आणि दिग्दर्शकाचे यश.

या नाटकात डॉ. माधवी भट, स्नेहल राऊत, गौरव भट्टी, स्मृती राऊत, रोशन गजभिये, विशाल टैभूरने, ईशा भांडारकर, क्रिष्णा स्रमवार, लकी पिंपळकर, प्रज्ञा नंदराज, जोत्सना निमगडे, प्रदीप निमगडे, भीष्मा सिंग, निखिल सुरमवार, सुप्रज्योती निमगडे, प्रज्वल निखार, महेश मेश्राम, चेतन धकाते, क्रांतिवीर सिडाम, प्रथमेश दंताळे, राघव पाराशर, वैभव पाराशर, राज बरसागडे, स्वप्नील श्रीपूरवार आणि इतर कलाकारांच्या भूमीका होत्या.

नाटकाचे निर्माते विवेक आंबेकर, मनीष दौड, राजेश चावंडे यांनी संघाचे अभिनंदन केले आहे.