चिदंबरम यांचा जामीन सर्वोच्च न्यायालयाने नाकारला : ईडी करू शकते चौकशीसाठी अटक


विदर्भ न्यूज एक्सप्रेस 
वृत्तसंस्था / नवी दिल्ली :
माजी अर्थमंत्री पी. चिदंबरम यांच्यासमोरील अडचणींमध्ये वाढ झाली आहे. आयएनएक्स मीडिया प्रकरणातील कथित गैरव्यवहारप्रकरणी चिदंबरम यांनी दाखल केलेला अंतरिम जामीन अर्ज सर्वोच्च न्यायालयाने फेटाळला. त्यामुळे ईडी आता चिदंबरम यांना चौकशीसाठी अटक करू शकते. चिदंबरम यांची सीबीआय कोठडीची मुदत आज संपत आहे.
सर्वोच्च न्यायालयात न्या. आर. भानूमती आणि न्या. ए. एस. बोपन्ना यांच्या खंडपीठाने ईडी प्रकरणी चिदंबरम यांच्या याचिकेवरील निर्णय २९ ऑगस्टपर्यंत राखून ठेवला आहे. सुप्रीम कोर्टाने आपल्या आदेशात म्हटलंय की, अटकपूर्व जामीन कोणाला अधिकार म्हणून देता येणार नाही. हे त्या त्या प्रकरणावर अवलंबून आहे. आम्ही ईडीची केस डायरी पाहिली. आरोपीला अटक करून त्याची चौकशी करणं गरजेचं असल्याच्या ईडीच्या दाव्याशी आम्ही सहमत आहोत. ईडीने आम्हाला सीलबंद लिफाफ्यात काही कागदपत्रे दिली होती, मात्र आम्ही ती पाहिलेली नाहीत.
यापूर्वी दिल्ली हायकोर्टानेही चिदंबरम यांना अटकपूर्वी जामीन देण्यास नकार दिला होता. याव्यतिरिक्त सीबीआयनेदेखील या प्रकरणी चौकशीसाठी चिदंबरम यांच्या अटकेची मागणी केली होती. यालाही कनिष्ठ न्यायालयात आव्हान दिले होते. ती याचिकाही फेटाळण्यात आली होती. चिदंबरम यांना २१ ऑगस्ट रोजी रात्री अटक करण्यात आली होती. विशेष न्यायालयाच्या आदेशानुसार चिदंबरम १५ दिवसांच्या सीबीआय कोठडीत आहेत.



  Print






News - World | Posted : 2019-09-05






Related Photos