महत्वाच्या बातम्या

समाजाची प्रगती करण्याकरिता युवकांनी शिक्षणावर भर द्यावा : खासदार रामदास तडस

- विदर्भ भोई समाज सेवा संघ जिल्हा शाखा वर्धा व्दारा आयोजीत

- वर्धा जिल्हा भोई समाज उपवर युवक-युवती परिचय मेळावा व गुणवंत विद्यार्थी व सेवानिवृत्त कर्मचारी सत्कार कार्यक्रम संपन्न

विदर्भ न्यूज एक्सप्रेस

प्रतिनिधी / वर्धा : भोई समाज हा देशातील विविध राज्यांमध्ये वेगवेगळ्या जातीच्या प्रवर्गांत समाविष्ट आहे. काही राज्यांत भोई समाज अनुसूचित जातीत, तर काही राज्यात अनुसूचित जमातीमध्ये गणला जातो. महाराष्ट्रात भोई समाजाला अन्य भटक्या जातीमध्ये स्थान देण्यात आले आहे. तर केंद्र सरकारच्या योजनेत ओबीसी मध्ये आहे, समाजाला प्रत्येक राज्यात व देशात एकाच वर्गात आणण्याकरिता पुढाकार घेणे आवश्यक आहे, यासाठी समाजातील शिक्षीत तरुणांनी पुढाकार घेऊन समाजाला न्याय मिळण्याकरता सर्व समाजाला एकजुट करण्याच्या दृष्टीकोनातुन कार्य करायला पाहिजे, समाज मेळावे, समाज प्रबोधनात्मक कार्यक्रम सतत घेणे आवश्यक आहे, समाजातील तरुणांनी शिक्षणावर भर द्यावा, तसेच आपली प्रगती साधायची असेल तर समाजातील तरुणांनी मासळी व्यवयासायाबरोबर इतर व्यवसायाकडे वळणे गरजेचे आहे. याकरिता समाजातील तरुणांनी शिक्षणावर भर द्यावा, असे प्रतिपादन खासदार रामदास तडस यांनी यावेळी केले.

ते विदर्भ भोई समाज सेवा संघ जिल्हा शाखा वर्धा व्दारा आयोजीत विदर्भ भोई समाज सेवा संघ द्वारा आयोजीत भोई समाज उपवर युवक-युवती परिचय मेळावा, गुणवंत विद्यार्थी व सेवानिवृत्त कर्मचारी सत्कार कार्यक्रमात बोल होते.

आज वर्धा येथील आकरे मंगल कार्यालय वर्धा येथे विदर्भ भोई समाज सेवा संघ जिल्हा शाखा वर्धा व्दारा आयोजीत वर्धा जिल्हा भोई समाज उपवर युवक-युवती परिचय मेळावा, गुणवंत विद्यार्थी व सेवानिवृत्त कर्मचारी सत्कार कार्यक्रमकार्यक्रमाचे उद्घाटन खासदार रामदास तडस व आमदार डॉ. पंकज भोयर यांच्या शुभ हस्ते सपंन्न झाला, उकंडराव सोनोने अध्यक्ष विदर्भ भोई समाज सेवा संघ अकोला यांच्या अध्यक्षतेखाली संपन्न झाले, प्रमुख पाहुने म्हणून उपमुख्य कार्यकारी अधिकारी सुनिल मेसरे, विशाल मोरे, वासुदेव सुरजुसे, डॉ. योगश दुधपचारे, सी. एम. लोणारे, राजाराम मात्रे, टेकचंद मारबते, मनोहरराव पचारे, गणेश इंगळे, कृष्णा नागपुरे, विठ्ठल वानखेडे, ज्ञानेश्वर सुरजुसे, मारोतराव पढाल, बळवंत ठाकरे, सुधाकर नान्हे, नारायणराव आमझरे, सौ. रंजना मनोहर पारशिवे, ज्योत्सना मधुकर बावणे उपस्थित होते.

मेळाव्याच्या माध्यमातुन उपवर व उपवधु त्यांना आपला जोडीदार निवडण्यासाठी मदत होते, त्यामुळे असे मेळावे नियमीत होणे आवश्यक आहे, आपल्या समाजाचा विकास करायचा असेल तर तरुणांनी पुढाकार घेणे आवश्यक आहे, शिक्षीत होऊन समाजाला न्याय देण्याचे आवाहन आमदार डॉ. पंकज भोयर यांनी केले.

समाजातील तरुणांनी आपल्या समाजाचे ऋण फेडण्याकरिता शिक्षित होऊन समाजातील तरुणांना पुढे नेण्याकरिता पुढाकार घ्यावा असे मत आपल्या अध्यक्षीय भाषणात उकंडराव सोनोने यांनी केले, यावेळी उपस्थित मान्यवरांनी समयोचीत मार्गदर्शन केले.

यावेळी उपवर युवक-युवती परिचय मेळाव्याकरिता उपवर युवती व उपवर युवकांनी मोठया संख्येने उपस्थिती होती तसेच समाजातील मान्यवरांचा सत्कार करण्यात आला. कार्यक्रमाचे प्रास्ताविक मनोहरराव पचारे यांनी केले, कार्यक्रमाचे संचालन रवीन्द्र भानारकर व उपस्थितांचे आभार संजय नान्हे यांनी मानले, कार्यक्रमाला देविदास पारीसे, सुदाम कैलुके, हरीष पारीसे, महेश मेरे, नागोराव पचारे, रमेश कैलुके, अशोक मोरे, प्रदिप बावने, सुनिल ढाले, सुनिल हजारे, रमेश भुरे, ज्ञानेश्वर कैलुके, संजय नान्हे, श्रीकृष्णा नान्हे, हरीप्रसाद बागडे, किशोर कळवदे, विजय पचारे, संजय पारीसे, दशरथ पचारे शंकरराव भानारकर, किरण पारीसे, हिरामन पारीसे, डोंगरे गुरुजी, हरिष कैलुके, शंकर पचारे, राजु पचारे व कार्यक्रमाला मोठया संख्येने समाज बांधव उपस्थित होते.