अंनिसने घेतली कोटगुल आश्रमशाळा दत्तक


विदर्भ न्यूज एक्सप्रेस  
तालुका प्रतिनिधी / कोरची :
भुताटकीच्या अफवेमुळे २५९  विद्यार्थ्यांनी शाळा सोडून पलायन केल्याने कोटगुल निवासी आश्रम शाळा ओस पडली होती. मात्र अंधश्रद्धा निर्मूलन समितीने शाळा दत्तक घेत विद्यार्थी व पालकांचे मतपरिवर्तन केल्याने पुन्हा विद्यार्थी शाळेत परतले आहेत. 
 तालुक्यातील कोटगुल निवासी आश्रम शाळेत भुताटकिच्या अफवेने  २८ गावातील २५९  विद्यार्थी घरी निघून गेले होते . यामुळे शाळा ओस पडली होती. प्रशासना कडून  अंधश्रद्धा निर्मूलन समितीला माहिती मिळताच अनिसच्या  चमुने २२ व २३ जुलै रोजी कोटगुल आश्रम शाळेत तळ ठोकला. कोटगुल , ग्यारपत्ती भाग आदिवासी, अती दुर्गम   असल्याने अंधश्रद्धेबाबत  संवेदनशील आहे .प्रशासन व महा अनिस तर्फे २८ गावातील पालक , विद्यार्थी,सरपंच,पोलिस पाटील,तंटामुक्ती समित्या व बचत गट यांचे उद्बोधन करण्यात आले.
 यावेळी महाराष्ट्र अंधश्रद्धा निर्मुलन समिती तर्फे  'भुत दाखवा २१ लाख मिळ्वा, मंत्राने मारुन दाखवा २१ लाख मिळवा, विषारी सापाचे विष मंत्राने उतरवून दाखवा २१ लाख मिळ्वा'  असे आव्हान मांत्रिक व पुजाऱ्यांना करण्यात  आले . प्रशासनाने कायम ऍम्बुलन्स व डॉक्टरची सोय विद्यालयात केली.  
 विद्यालयातील कथित भुतबाधित विद्यार्थीनिला दवाखान्यात दाखल केले असुन तिला रक्ताची कमी व व्हायरल संसर्ग आसल्याचे निष्पन्न झाले आहे .
तिला असलेली लक्षणे बघून इतर मुली धास्तावल्या व शाळेतुन निघुन गेल्या होत्या. भुत वगैरे काहिही नसुन ही विघ्नसंतोषी लोकांनी पसरवलेली अफवा असल्याचे अनिस ला आढळले आहे. या  थोतांड अफवेमुळे मात्र विद्यार्थ्यांचे  शैक्षणिक नुकसान झाले.
परिसराची अंधश्रद्धाविषयक संवेदंशिलता लक्षात घेता महाराष्ट्र अंधश्रद्धा निर्मुलन समिती गडचिरोलीचे जिल्हाध्यक्ष उद्धव डांगे  व कार्याध्यक्ष निंबोरकर यांनी सदर शाळा एक वर्षे कालावधीसाठी दत्तक घेण्याचा निर्णय सहाय्यक प्रकल्प अधिकारी विकास राचलवार यांच्या उपस्थितित जाहिर केला.
  महाराष्ट्र अंधश्रद्धा निर्मुलन समिती व प्रशासनाच्या सयुक्त प्रयत्नाला यश आले  असुन प्रथम प्रयत्नात ५० मुले,  मुली आज विद्यालयात उपस्थित होते . काल २३ जुलै रोजी  अनिसचे जिल्हाध्यक्ष उद्धव डांगे व साहाय्यक प्रकल्प अधिकारी राचेलवार , रवी लाडे  यांनी पूर्णवेळ  राहून विद्यार्थी,पालक,पुजारी , सरपंच,पोलिस पाटील,तंटामुक्त्ती पदाधिकारी,बचत गट ,पुजारी यांचे रात्री १० वाजेपर्यंत उद्बोधन करून मनपरिवर्तन केले . अथक परिश्रमाने  शासकीय आश्रम शाळा काल्पनिक भुताच्या कचाट्यातून  सुटून आज  २४ जुलै रोजी  विद्यार्थी रुपी फुलांनी बहरली. २८ गावातील पालकांनी मात्र  सुटकेचा निःश्वास घेतला. महाराष्ट्र अनिस व प्रशासनाचे प्रत्येकाने आभर मानले.
 या मोहिमेत शिक्षण निरीक्षक कोडाप ,  मुख्याध्यापक मदनकर , अधीक्षक चामाटे , कुरुडकर , मुख्याध्यापक भुरे ,पोटावी ,सिवरकर , दहिवले यांनी सहकार्य केले .



  Print






News - Gadchiroli | Posted : 2019-07-24






Related Photos