ताडगुडा येथील खून प्रकरणातील तीन आरोपींना अटक


-  नक्षल्यांनी हत्या केल्याचा निर्माण केला होता बनाव
विदर्भ न्यूज एक्सप्रेस 
प्रतिनिधी /  पेरमिली :
पेरमिली पोलीस हद्दीतील ताडगुडा गावात दस्सा इरपा तलांडी या इसमाची  ७ जून रोजी हत्या करण्यात आली होती. ही हत्या नक्षल्यांनी केल्याचा बनाव आरोपीने निर्माण केला होता. मात्र पोलीसांनी या हत्या प्रकरणाचा  तीन दिवसात छडा लावून या प्रकरणातील ३ आरोपींना  अटक केली आहे.
 पेडू चैतू तलांडी, राजू चैतू तलांडी व विलास करपा कुळमेथे रा.तिघेही ताडगुडा (ता.अहेरी) अशी आरोपींची नावे आहेत. आरोपींनी दसस तलांडी यांची हत्या पुर्ववैमनस्यातून केल्याचे पोलीस तपासात उघडकीस आले आहे. आरोपींनी इसाची  तीक्ष्ण शस्त्रांनी हत्या करून गावपरिसरात  बनावट नक्षली पत्रके टाकली होती. 
हे प्रकरण संशयास्पद दिसून आल्याने पेरमिली पोलीस ठाण्याचे प्रभारी अधिकारी  महेश मतकर यांच्या मार्गदर्शनाखाली पोलीस उपनिरीक्षक गायकवाड यांनी तपास सुरू केला आणि तीन दिवसात या हत्याकांडातील  आरोपींना जेरबंद केले.अधिक तपास पेरमिली पोलीस करीत आहेत. 



  Print






News - Gadchiroli | Posted : 2019-06-12






Related Photos