महत्वाच्या बातम्या

बालगृहातील ११ मुले आई-वडिलांच्या प्रतिक्षेत

- पालक व नातेवाईकांना १० दिवसाच्या आत संपर्क साधावा

विदर्भ न्यूज एक्सप्रेस

प्रतिनिधी / नागपूर : जिल्ह्यातील महिला व बाल विकास विभागांर्तगत जिल्हा बाल संरक्षण कक्ष कार्यरत असून काळजी व संरक्षणाची गरज असलेली बालके व विधी संघर्षग्रस्त बालकांकरीता कार्य केले जात आहे. रस्त्यावर सापडलेले आणि सोडून दिलेले व घरुन निघून आलेल्या बालकांचे पुनवर्सन व पालन पोषणाची जबाबदारी माहिला व बाल विकास विभागाने स्विकारली आहे. श्रध्दानंद आश्रमाच्या बालगृहातील ११ मुले आई- वडिलांच्या प्रतिक्षेत आहेत. पालकांनी व नातेवाईकांनी १० दिवसांच्या आत संपर्क साधावा.

६ वर्षाची बालिका अनन्या श्रध्दानंद अनाथालय येथे राहत असून शिक्षण घेत आहे. तीन वर्षापासून तिची आई भेटायला आली नाही. ७ वर्षाची बालिका आवी आकाश तोटे या बालिकेच्या आईवडिलांचा कोणताही पत्ता नाही. मागील ५ वर्षापासून श्रध्दानंद अनाथालयात तिला कोणीही भेटायला आले नाही. यासोबत ७ वर्षाची बालिका एंजल प्रदीप जेठीया या बालिकेचा कळमना येथील पोलीस अधिकारी पालकांचा व नातेवाईकांचा शोध घेत आहेत. अद्यापपर्यंत कोणीही मिळून आले नाही.

१७ वर्षाची रितिका दिनेश गणवीर १० जुलै २०१७ पासून बालगृहात आहे. परंतु अजूनपर्यंत नातेवाईकांचा शोध लागला नाही. नातेवाईक सुध्दा भेटायला आले नाही. ६ वर्षाची भूमिका गणेश निखारे, १० वर्षाची साक्षी गणेश निखारे व १३ वर्षाची लक्ष्मी गणेश निखारे या तिनही बालिका श्रध्दानंद आश्रमात आहेत. त्यांच्या वडिलांचा नैसगिक आजाराने मृत्यु झाला. आई निघून गेली परंतू कधीही व कोणीही नातेवाईक भेटायला आले नाही.

११ वर्षाचा बालक आयुष लोकेश कहार, १० वर्षाचा कैफ मुन्नादास सदा, १० वर्षाचा आकाश राजकुमार पाटील व १४ वर्षाचा कोंडा नामक बालक श्रध्दानंद आश्रमात आहेत. परंतु त्यांचे कोणीही नातेवाईक भेटायला आले नाहीत.

ज्या पालकांना यांच्यावर हक्क दाखवायचा असेल त्यांनी जिल्हा माहिला व बाल विकास अधिकारी भारती मानकर व जिल्हा बाल संरक्षण मुश्ताक पठाण यांचेही दुरध्वनी क्रमांक ०७१२-२२५६९९९१ यावर १० दिवसांच्या आत संपर्क साधावा. संपर्क न साधल्यास केंद्रिय दत्तक प्राधिकरण न्यु दिल्ली यांचे मार्गदर्शक नियमावलीनूसार बाल कल्याण समितीच्या आदेशाने दत्तकमुक्त करण्याची प्रक्रिया पूर्ण करण्यात येईल, असे आवाहन जिल्हा माहिला व बाल विकास अधिकारी व जिल्हा बाल संरक्षण अधिकारी यांनी केले आहे.