नव्या संसद भवनावर उपराष्ट्रपतींच्या हस्ते ध्वजारोहण : उद्यापासून सुरू होणार विशेष अधिवेशन
विदर्भ न्यूज एक्सप्रेस
वृत्तसंस्था / नवी दिल्ली : उपराष्ट्रपती जगदीप धनखड यांनी आज नवीन संसद भवनाच्या गज द्वार येथे राष्ट्रध्वज फडकावला आहे. उद्यापासून संसदेच्या विशेष अधिवेशनाला सुरुवात होणार आहे.
त्याआधी आज ध्वजारोहण करण्यात आले आहे. यावेळी लोकसभेचे अध्यक्ष ओम बिर्ला यांच्यासह काही नेते उपस्थित होते.
पहिल्या दिवसाचे अधिवेशन संसदेच्या जुन्या इमारतीतून होणार आहे. त्यानंतरचार दिवसांचे अधिवेशन संसदेच्या नवीन इमारतून होणार आहे. त्यापूर्वी अधिवेशच्या एक दिवस आधी नव्या संसदेवर ध्वजारोहण करण्यात आले. संसदेच्या विशेष अधिवेशनापूर्वी आज दुपारी साडेचार वाजता सर्वपक्षीय बैठक होणार आहे. या बैठकीत विशेष अधिवेशन सुरळीतपणे पार पाडण्यासाठी चर्चा केली जाणार आहे.
दरम्यान, १८ ते २२ सप्टेंबर रोजी संसदेचे पाच दिवसीय अधिवेशन सुरू होत आहे. त्यापूर्वी राष्ट्रध्वज फडकावण्याचा कार्यक्रम झाला. २८ मे रोजी पंतप्रधान नरेंद्र मोदी यांनी एका समारंभाचे आयोजन करून नवीन संसद भवनाचे उद्घाटन केले होते. त्यानंतर गणेश चतुर्थीच्या मुहूर्तावर १९ सप्टेंबरला नव्या इमारतीत विशेष अधिवेशन सुरू होणार आहे.
ध्वजारोहणानिमित्य लोकसभा अध्यक्ष ओम प्रकाश बिर्ला, मंत्री प्रल्हाद जोशी यांच्यासह राज्यसभेचे उपसभापती हरिवंश, संसदीय कामकाज राज्यमंत्री अर्जुन राम मेघवाल आणि व्ही मुरलीधरण आणि दोन्ही सभागृहातील पक्षांचे नेते कार्यक्रमासाठी उपस्थित होते. मात्र काँग्रेसचे अध्यक्ष मल्लिकार्जुन खरगे हे गैरहजर होते. काँग्रेस वर्किंग कमिटीच्या बैठकीत व्यस्त असल्याने ते उपस्थित राहू शकल्याचे सांगितले जात आहे. मात्र ध्वजारोहणावेळी काँग्रेसचे संसदीय गटाचे नेते अधीर रंजन चौधरी हे उपस्थित होते.
News - World