महत्वाच्या बातम्या

आंतरराष्ट्रीय स्वच्छ वायु दिवस २०२३ साजरा करणेबाबत जिल्हा आरोग्य प्रशासनाचे आवाहन

विदर्भ न्यूज एक्सप्रेस

प्रतिनिधी / भंडारा : वातावणातील बदल व मानवी आरोग्य या कार्यक्रमाअंतर्गत केंद्र व राज्यस्तरावर ७ सप्टेंबर हा दिवस जागतीकस्तरावर आंतरराष्ट्रीय स्वच्छ वायु दिवस साजरा करण्यात येतो. या अंतर्गत शाळेतील मुले, महिला, वाहतुक पोलीस, नगरपालीका कर्मचारी यांना वायूप्रदूषण व त्यांच्या दुष्परीनामांना जास्त प्रमाणात सामोर जावे लागत असल्याने, त्यांना याबद्वल अवगत करणे व वायू प्रदूषण, त्याचे आरोग्यावर होणारे दुष्परीनाम याबद्वल जनजागृती करणे यावर भर देण्याचे केंद्र व राज्यशासनाच्या मार्गदर्शक सुचनांनुसार आरोग्य विभागाकडून ठरविण्यात आले आहे.

यावर्षी या दिवसाचे घोषवाक्य Together for Clean Air हे असुन याअंतर्गत खालील प्रमाणे कार्यक्रमाचे आयोजन करण्यात यावे असे आवाहन आरोग्य विभागाकडून करण्यात येत आहे. १) पंचायतराज व्यवस्थेतील पदाधिकाऱ्यामार्फत वायूप्रदूषण आणि त्याचे महिला व बालकांवर होणारे दुष्परीनाम याबाबत जनजागृती करणे. २) वाहतुक पोलीस व नगरपालीका येथील कर्मचारी यांना वायूप्रदूषणामुळे होणारे दुष्परीनाम याबाबत जनजागृती करणे. ३) शाळेतील विदयार्थ्यांमध्ये वातावणातील बदल, वायू प्रदूषण आणि त्याचा आरोग्य होणारा परिनाम याकरीता विविध कार्यक्रम शाळांमार्फत आयोजीत करणे.

- शाळेतील मुख्याध्यापक, शिक्षक, विदयार्थी यांचे मार्फत माहिती देणे.

- शाळेमध्ये वायू प्रदूषण आणि त्याचा आरोग्य होणारा परिनाम या विषयी चित्रकलास्पर्धा, निबंधस्पर्धा, वक्तृत्वस्पर्धा, वादविवादस्पर्धा, नाटक इत्यादीचे आयोजन करणे.

- शाळेतील आंतर व बाहय परिसरात वृक्षांची लागवड करणे.

- उर्जा कार्यक्षम उपाययोजना राबविणे उदा.एलईडी लाइटचा वापर करणे, काम नसल्यास विद्युत उपकरणे बंद करुन ठेवणे.

- सार्वजनिक वाहन व्यवस्थेचा वापर करणे.

- पाणी संवर्धन उपाययोजना राबविणे.

- कागदांचा कार्यक्षम वापर व इलेक्ट्रॉनिक शेअरिंगला प्रवृत्त केले जाऊ शकते.

४) आंतरविभागीय समन्वयाने वायूप्रदूषणामुळे होणारे दुष्परीनाम याबाबत उपाययोजना करणे. जिल्हा आरोग्य प्रशानाकडून जनेतस आवाहन करण्यात येते की, वायूप्रदूषणामुळे होणारे आरोग्यावरील दुष्परीनाम याबाबत वैयक्तीक व सामाजीकस्तरावर उपरोक्त नमुद सुचनांचे पालन करुन वायुप्रदूषण मुक्त समाज घडविण्यास सहकार्य करावे.