शहीद जवानांच्या सन्मानार्थ ‘कॅन्डल मार्च‘, शेकडो नागरिकांची उपस्थिती


विदर्भ न्यूज एक्सप्रेस 
प्रतिनिधी /  गडचिरोली : 
१ मे रोजी नक्षल्यांनी कुरखेडा तालुक्यातील  जांभुळखेडा गावाजवळील लेंढारी नाल्याजवळ घडवून आणलेल्या भुसुरूंगस्फोटात १५ जवान शहीद झाले व एका खाजगी वाहनचालकाचा बळी गेला. नक्षल्यांनी घडवून आणलेल्या या हिंसक कृत्याच्या निषेधार्थ व शहीदांना श्रध्दांजली अर्पण करण्यासाठी आज १५ मे रोजी स्थानिक इंदिरा गांधी चौकात कॅन्डल मार्च काढण्यात आला.या कॅन्डल मार्च मध्ये विविध  सामाजिक संघटनांच्या कार्यकत्र्यांनी   मोठ्या संख्येने सहभागी होत शहीदांना श्रध्दांजली अर्पण केली.
 गडचिरोली जिल्ह्यात मागील २५ वर्षापासून माओवाद्यांच्या हिंसक कारवाया सुरू असून या अमानवीय हिंसेत गोरगरीब नागरिकांचा बळी जात आहे.  नक्षली गोरगरीब नागरिकांना भुलथापा देऊन नक्षल चळवळीत ओढण्याचा प्रयत्न करतात. तसेच  विकास कामांना विरोध करून शासकीय व खाजगी साहित्याची जाळपोळ करून मोठे नुकसान करतात.  त्यामुळे नक्षलवाद हा जिल्ह्याच्या विकासात अडसर ठरला आहे. नक्षल्यांच्या लोकशाही विरोधी कृत्याचा पोलीसांनी सामना करून नक्षल चळवळीला जबर हादरा दिला आहे. मात्र नक्षली जंगलाचा फायदा घेत घात लावून पोलीस व गोरगरीब नागरिकांचा बळी घेतात. नक्षल्यांच्या या हिंसाचाराचा सर्वच स्तरातून निषेध केला जात आहे.
 १ मे २०१९ रोजी कुरखेडा येथील शिघ्र कृती दलाचे जवान कर्तव्यावर जात असतांना  जांभुळखेडा  ते पुराडा मार्गावर  नक्षलवाद्यांनी भुसुरूंग स्फोट घडवुन आणला. या स्फोटात पोलीस दलाच्या वाहनाच्या चिंधड्या उडून १५ जवान शहीद झाले. नक्षल्यांच्या या  भ्याड हल्ल्याचा निषेध तसेच शहीद जवानांना श्रध्दांजली वाहून शांततेचा संदेश देण्यासाठी पोलीस प्रशासन व विविध संघटनांच्या वतीने आज वॅâन्डल मार्च काढण्यात आला. 
यावेळी पोलीस अधीक्षक  शैलेश बलकवडे, अतिरिक्त पोलीस अधीक्षक डॉ.मोहितकुमार गर्ग, डॉ.हरी बालाजी, जि.प.चे मुख्य कार्यकारी अधिकारी डॉ.विजय राठोड, शहीद जवानांचे कुटुंबिय यांच्यासह शहरातील विविध संघटनांचे कार्यकर्ते मोठ्या संख्येने उपस्थित होते. कॅन्डल मार्च मध्ये महिला मोठ्या संख्येने सहभागी झाल्या होत्या, हे विशेष.



  Print






News - Gadchiroli | Posted : 2019-05-15






Related Photos