महत्वाच्या बातम्या

चोरी - घरफोड्या करणाऱ्या २ गुन्हेगारांना अटक : चोरी घरफोडीचे तीन गुन्हे उघड

विदर्भ न्यूज एक्सप्रेस

प्रतिनिधी / गोंदिया : २८ जून २०२३ रोजी चे ३.०० वा. ते ६ ०० वाजता दरम्यान पो.ठाणे दवनिवाडा हद्दीतील नवेगाव, गोंदिया येथील फिर्यादी अश्विन मौदेकर यांची मोटर सायकल चोरी झाल्याने तक्रारी वरून पो. ठाणे दवनिवाडा येथे अप क्रं. १७८/२०२३ कलम ३७९ भादंवि अन्वये दाखल करण्यात आले होते.

निखील पिंगळे, पोलीस अधिक्षक, गोंदिया, अशोक बनकर, अपर पोलीस अधीक्षक, गोंदिया, कॅम्प देवरी, यांनी नमुद मो. गुन्ह्यांचे तपासाच्या अनुषंगाने सर्व ठाणेदार- गोंदिया जिल्हा, ठाणेदार दवनिवाडा तसेच पो.नि. स्थागुशा यांना मो. चोरी, चोरी, घरफोडी करणाऱ्या गुन्हेगारांचा, अज्ञात चोरट्याचा शोध घेऊन तात्काळ गुन्हे उघड करण्याच्या सूचना दिल्या होत्या. त्या अनुषंगाने वरिष्ठांचे निर्देश सूचना प्रमाणे स्थानीक गुन्हे शाखेतील पोलीस पथक पो. नि. दिनेश लबडे यांचे मार्गदर्शनात गोंदिया जिल्ह्यातील मो. चोरी, घरफोडी करणाऱ्या गुन्हेगारांचा, अज्ञात चोरट्याचा शोध घेत होते. ४ जुलै २०२३ रोजी पथकातील पोलीस अधिकारी अंमलदार यांना गोपनिय बातमीदार यांचे कडून माहिती मिळाली की, ईसंम मनीष लील्हारे राहणार- नीलागोंदी याचेकडे चोरी ची मोटर सायकल आहे, अश्या प्राप्त गोपनीय माहितीच्या आधारे - ईसंम मनीष रमेश लिल्हारे वय १९ वर्षे राहणार निलागोंदी पोस्ट रत्नारा जिल्हा गोंदिया यास ताब्यात घेण्यात आले.

ताब्यात घेण्यात आलेला ईसंम मनीष रमेश लिल्हारे यास विश्वासात घेऊन नमूद गुन्ह्यातील मो. चोरी तसेच ईतर चोरी घरफोडी गुन्हया बाबत सखोल विचारपूस चौकशी केली असता त्याने त्याचे साथीदार गगन दिलीप बिरणवार व १८ वर्षे राहणार निलागोंदी पोस्ट रत्नारा जिल्हा गोंदिया व एक विधी संघर्ष बालक यांच्या सोबत मिळून मोटरसायकल चोरी तसेच आणखी दोन घरफोडीचे गुन्हे केल्याचे कबूल करून चोरी केल्याचे सांगीतले. आरोपी नामे मनीष रमेश लिल्हारे, राहणार निलागोंदीं याने सांगितलेल्या माहिती वरून त्याचे साथीदार, गगन दिलीप बिरणवार व १८ वर्षे राहणार निलागोंदी पोस्ट- रत्नारा, जिल्हा गोंदिया व एक विधी संघर्ष बालक वय १७ वर्षे यास ताब्यात घेवुन पो. ठाणे दवनिवाडा दाखल अप. क्रं.२६५/२०२२, तसेच अप.क्रं. २८८/ २०२२ कलम ४५४, ४५७, ३८० भादवि, गुन्ह्यातील चोरी केलेल्या मुद्देमालबाबत सखोल विचारपूस केली असता तिघांनीही मो.सा. चोरी, व नमूद घरफोडीचे दोन गुन्हे केल्याचे सांगितले. नमूद आरोपी यांचे ताब्यातून अप.क्र.१७८/२०२३ मधील चोरी केलेली मोटर सायकल, स्प्लेंडर प्रो. लाल रंगाची किंमती अंदा. २८ हजार /- रूपये तसेच अप.क्र.२६५/२०२३ मधील चोरी केलेली मालमत्ता सीपीयु, कीबोर्ड, मॉनिटर, माऊस, केबल, स्टँड , होम थिएटर, बॉक्स, असा किंमती ३४ हजार ७००/ - रूपये असा किंमती ६२,७००/- रुपयांचा मुद्देमाल हस्तगत करून गुन्ह्यात जप्त करण्यात आलेला आहे. तसेच अप.क्रं. २८८/ २०२२ कलम ४५४, ४५७, ३८० भादवि गुन्ह्यातील चोरीचा मुद्देमाल नागपूर येथे विक्री केल्याचे सांगितले आहे. आरोपी मनीष रमेश लिल्हारे व १९ वर्षे राहणार निलागोंदी, गगन दिलीप बिरणवार वय १८ वर्ष राहणार निलागोंदी पोस्ट रत्नारा जिल्हा गोंदिया यांना पोलीस ठाणे दवनिवाडा पोलिसांचे स्वाधीन करण्यात आले आहे. विधीसंघर्ष बालक यास त्याचे पालकांचे ताब्यात देण्यात आले. नमूद तिन्ही गुन्हयाचा अधिकचा तपास पो. स्टे. दवनिवाडा पोलीस करीत आहेत.

सदरची कामगिरी निखील पिंगळे, पोलीस अधिक्षक, गोदिया, अशोक बनकर, अपर पोलीस अधिक्षक, गोंदिया यांचे मार्गदर्शनाखाली पोलीस निरीक्षक दिनेश लबडे, यांचे मार्गदर्शनात स्थानीक गुन्हे शाखा गोंदिया, पथकातील म.पो. उप. नि.वनिता सायकार, पो. हवा. सुजित हलमारे, इंद्रजीत बिसेन, सोमेंद्र तुरकर, रियाज शेख पो.शि. हंसराज भांडारकर, चापोहवा लक्ष्मण बंजार यांनी केलेली आहे.